Eimbiloelela laSalomo 3:1-11
3 “Oufiku, kombete yange,Onda konga oo ndi hole.*+
Onde mu konga, ashike inandi mu mona.+
2 Onda ti: ‘Nandi fikame, nokweendaenda moshilando;Momapandavanda nomomahalandjadja,Ndi ka konge oo ndi hole.’*
Onde mu konga, ashike inandi mu mona.
3 Ovanangeli, tava undju* oshilando, ova hanga nge,+
Nonde va pula nda ti: ‘Inamu mona oo ndi hole?’*
4 Diva, eshi nde va koyelela,Onda mona oo ndi hole.*
Onde mu dama, itandi mu efa a ye,Fiyo osheshi nde mu eta meumbo lameme,+Meni londuda yaao a dala nge.
5 Ohandi mu anifa, nye oukadona vomuJerusalem,Koupundjamenye nokeemenye* deenghadi domofuka:
Inamu kendabala okupendula, ile okutukulula ohole mwaame, fiyo osheshi oyo vene ye uya.”+
6 “Oshike osho tashi di kombuwa sha fa omwifi tau lundumuka,Shi na edimba lomirha nosho yo leka ledimba liwa,Noimbodi yedimba liwa ya kwanghulwa yovashingifi?”+
7 “Tala! Osho oshipundi shaSalomo.
Osha dingililwa kovalumenhu ovanaenghono omilongo hamano,Vomovalumenhu ovanaenghono vomuIsrael,+
8 Aveshe ova homata omaongamukonda,Aveshe ova deulilwa oita,Keshe umwe okwa homata eongamukonda layeVe mu amene koiponga youfiku.”
9 “Osho oshipundi shomouhamba* shohamba Salomo,Osho e liningila ye mwene nomiti dokuLibanon.+
10 Omaulu asho okwa longwa moshisilveri,Oiyaameno yasho omoshingoli.
Omutumba washo omolududi leedi lipeepela;Meni lasho omwa fewekwa nawaKoukadona vomuJerusalem.”
11 “Pitei mo, nye oukadona vomuSion,Taleni ohamba SalomoYa djala oshikoroni* shehombolo, osho ya ningilwa kuina+Mefiku omo ya hombola,Mefiku omo omutima wayo wa li wa nyakukwa.”
