Eimbiloelela laSalomo 2:1-17

  • Omukainhu omunyasha (1)

    • “Ame ongala”

  • Omufita (2)

    • ‘Omuholike wange okwa fa onhemo’

  • Omukainhu omunyasha (3-14)

    • ‘Inamu tukulula ohole, fiyo osheshi oyo vene ye uya’ (7)

    • Eendjovo domufita da tofwa mo (10b-14)

      • “Okangala kange, natu ye naave” (10b, 13)

  • Ovamwainamati vomukainhu omunyasha (15)

    • “Tu kwateleni ookavandje”

  • Omukainhu omunyasha (16, 17)

    • “Omuholike wange owange mwene, naame ondaye” (16)

2  “Ame ongala* yopomunghulofuta,Onhemo yomomalufilu.”+  2  “Ngaashi onhemo mokati komakiya,Omuholike wange naye osho e li mokati koukadona.”  3  “Ngaashi omuapula u li mokati komiti domofuka,Omuholike wange naye osho e li mokati kovamati. Onda halelela okukala omutumba momudidimbe waye,Noshiimati shaye oshinyenye mokanya kange.  4  Okwa twala nge meumbo li na oitendele,*Nohole yaye oya li edidiliko kwaame.  5  Tulumukifei nge noikuki yomandjebele;+Hekelekei nge nomaapela,Osheshi onda djuulukwa omuholike wange.  6  Eke laye lokolumosho oli li koshi yomutwe wange,Neke laye lokolulyo ola papatela nge.+  7  Ohandi mu anifa, nye oukadona vomuJerusalem,Koupundjamenye+ nokeemenye* deenghadi domofuka: Inamu kendabala okupendula, ile okutukulula ohole mwaame, fiyo osheshi oyo vene ye uya.+  8  Oyo ondaka yomuholike wange! Tala! Oye winya ta di kwii,Ota londo keemhunda, ta nhuka koxulo yoikulundudu.  9  Omuholike wange oku li ngaashi okapundjamenye, ngaashi omenye* yondume yonyasha,+ Oye winya a fikama konima yekuma letu,Ota vandamene momakende,Ota talele meemalungushu. 10  Omuholike wange ota popi ta lombwele nge ta ti: ‘Fikama, omuholike wange,Okangala kange, natu ye naave. 11  Tala! Okufu* okwa pita. Odula oya sheka, noya ya. 12  Eengala oda sheneka moshitukulwa,+Efimbo lokukokola ola fika,+Newi longhuti yetende oli uditike moshitukulwa shetu.+ 13  Eenghwiyu dotete domukwiyu oda pya;+Omindjebele oda temuna notadi nyika nawa. Omuholike wange, fikama, ndele to uya. Okangala kange, natu ye naave. 14  Onghuti yange i li momakololo emanya,+I li momambulukwena oshikulundudu,Nandi ku mone, nokuuda ondaka yoye,+Osheshi ondaka yoye oiwa kuhe na vali, neholokepo loye oliwa.’”+ 15  “Tu kwateleni ookavandje,Ookavandje vanini, ovo hava nyono po oikunino yomandjebele,Osheshi oikunino yetu yomandjebele oya temuna.” 16  “Omuholike wange owange mwene, naame ondaye.+ Ota lifa+ mokati keengala.+ 17  Fimbo inaku pepa,* nomidile inadi ya,Aluka diva, omuholike wange,Ngaashi okapundjamenye,+ ile omenye* yondume yonyasha+ i li keemhunda, odo di li pokati ketu.*

Omashangelo opedu

^ Ile “oshidimba.”
^ Eln., “meumbo li na omaviinyu.”
^ Ile “nokeenyapi.”
^ Ile “onyapi.”
^ Ile “Efimbo lodula.”
^ Eln., “efiku inali fuda.”
^ Ile “onyapi.”
^ Ile tashi dulika, “keemhunda domifya.” Ile “keemhunda daBeter.”

Oufemba u na sha noumwene woshishangomwa eshi