Ti orihinal a nagan ti lugar nga idi agangay ket naawagan iti Babilonia, adda dayta iti nagbaetan dagiti karayan Tigris ken Eufrates. Sadiay a nagturay ni Nimrod kas ari ti Babel, Erec, Accad, ken Calne, ken sadiay a di natuloy ti pannakaibangon ti templo a torre ti Babel. (Ge 10:9, 10; 11:2-8) Idi agangay, ni Amrafel nga ari ti Sinar ket karaman kadagidiay nagkakappon a nangkautibo ken Lot a kaanakan ni Abraham. (Ge 14:1, 9, 12) Idi kaaldawan ni Josue, maaw-awagan pay laeng daytoy a teritoria iti sigud a naganna. (Jos 7:21) Tinukoy dayta da mammadto Isaias, Daniel, ken Zacarias.​—Isa 11:11; Da 1:2; Zac 5:11; kitaenyo ti BABEL; BABILONIA Num. 2.