Makinngato a paset ti tian ti tao. Iti Kristiano a Griego a Kasuratan, inrekomenda ni apostol Pablo nga agusar ni Timoteo iti bassit nga arak maigapu iti rusokna (Gr., stoʹma·khos).​—1Ti 5:23.

 Nalawag a karaman ti rusok iti sumagmamano a teksto a nagaramat iti Hebreo a sasao a naipatarus a “tian” ken “makin-uneg a paspaset.” (Pr 13:25; Jon 1:17) Pudno met dayta iti “tian” a naaramat iti Kristiano a Griego a Kasuratan, kas pagarigan, iti Roma 16:18 ken 1 Corinto 6:13.​—Kitaenyo ti TIAN.