[Patinayon; Kanayon nga Agay-ayus].

  1. Maysa kadagiti uppat a mamasirib a lallaki a linab-awan ni Solomon ti siribda. (1Ar 4:31) Mabalin a daytoy nga Etan ti nangisurat iti Salmo 89, ta iti paulo dayta, ni Etan nga Ezrahita ti nadakamat a mannurat. Iti 1 Cronicas 2:6, da Etan, Heman, Calcol, ken Dara, ket nadakamat amin kas annak ni Zera a kameng ti tribu ni Juda; mabalin nga isuda met laeng dagiti lallaki a nadakamat iti Umuna nga Ar-ari. Natukoy ni Etan kas ama ni Azarias.​—1Cr 2:8; kitaenyo ti EZRAHITA.

  2. Ti ama ni Adaia ken anak ni Zimma, maysa a Levita iti pamilia ni Gersom.​—1Cr 6:41-43.

  3. Anak ni Kisi (1Cr 6:44) wenno Cusaias (1Cr 15:17), maysa a Levita iti pamilia ni Merari. Ni Etan ket kumakanta ken tumutokar iti piangpiang. (1Cr 15:19) Gapu iti nasinged a pannakainaigna ken Heman, naisingasing a ni Etan isu ti Jedutun a dinutokan ni David nga agserbi iti sanguanan ti tabernakulo idiay Gabaon. Naisingasing met a ti naganna nga Etan napagbalin a Jedutun kalpasan ti pannakadutokna. (Idiligyo ti 1Cr 15:17, 19 iti 1Cr 16:39-41 ken 25:1.)​—Kitaenyo ti JEDUTUN Num. 1.