[nalabit, Dakkel a Kayo].

  1. Maysa a Heteo a ti anakna a babai nagbalin a “gubuayan . . . ti kinapait” iti biang da Isaac ken Rebecca kas asawa ni Esau nga anakda.​—Ge 26:34, 35; 27:46; 28:8; 36:2.

  2. Ti maikadua kadagiti tallo nga annak ni Zabulon. Maysa kadagiti napan idiay Egipto a kamkameng ti sangakabbalayan ni Jacob nga apongna. Isu met ti ulo ti pamilia dagiti Elonita.​—Ge 46:14; Nu 26:26.

  3. Maysa a Zabulonita nga ukom ti Israel. Kalpasan ti sangapulo a tawen a panagakemna kas ukom, intabonda idiay Ajalon iti teritoria ti Zabulon.​—Uk 12:11, 12.

  4. Maysa nga ili iti tribu ni Dan, nailista iti nagbaetan ti Itla ken Timna. (Jos 19:42, 43) Saan a sigurado a maipatuldo ti nagsaadanna.