Ti Griego a sao a si·mi·kinʹthi·on ipasimudaagna ti maysa a banag a naibarikes iti kagudua ti bagi, kagudua ti bariksanna ken akikid nga abbong. (Ara 19:12) Agparang a naigalut dayta iti likmut ti siket tapno abbonganna ti paset ti bagi iti maysa a kaatiddog iti baba ti siket. Tapno masalakniban ti dadduma a kawes, nalabit imbidang dayta dagiti tumatrabaho a kas kadagiti mangngalap, managdamili, agsaksakdo iti danum, agtagtagilako, panadero, ken allawagi. Naiduma unay ti efod ti papadi, yantangay kasla bidang a kawes nga agbitbitin manipud kadagiti abaga, nga addaan kadagiti makinsango ken makinlikud a benneg.​—Ex 28:6-8; kitaenyo ti NANGATO A PADI.

 Ti Griego a sao a naipatarus a “mangikaweska iti bidang” iti Lucas 17:8 (pe·ri·zonʹny·mai) literal a kaipapananna ti “agbarikes ti maysa.”​—Idiligyo ti Efe 6:14.