Hebreo 9:1-28
9 Iti pasetna, ngarud, ti immuna a tulag addaan idi kadagiti paglintegan iti sagrado a panagserbi+ ken iti naindagaan a nasantuan a dissona.+
2 Ta adda naibangon nga umuna a benneg ti tolda+ a sadiay ti ayan ti pagsaadan ti silaw+ ken kasta met ti lamisaan+ ken ti pakaiparangan dagiti tinapay;+ ket maawagan dayta “ti Nasantuan a Disso.”+
3 Ngem iti likudan ti maikadua a kortina+ adda idi ti benneg ti tolda a naawagan “ti Kasasantuan.”+
4 Addaan daytoy iti nabalitokan a paginsiensuan+ ken ti lakasa ti tulag+ a nakalupkopan iti balitok iti intero nga aglikmutna,+ nga ayan ti nabalitokan a karamba nga addaan iti manna+ ken ti nagsaringit a sarukod ni Aaron+ ken dagiti tapi+ ti tulag;
5 ngem iti rabaw dayta adda dagiti nadayag a kerubin+ a mangsalsalinong iti pangikappia a kalub.+ Ngem saan nga ita ti tiempo a panagsao a detalyado maipapan kadagitoy a banag.
6 Kalpasan a naibangon a kastoy dagitoy a banag, sumrek ti papadi iti umuna a benneg ti tolda+ iti amin a tiempo tapno aramidenda dagiti sagrado a panagserbi;+
7 ngem idiay maikadua a benneg ti laeng nangato a padi ti sumrek maminsan iti makatawen,+ saan nga awanan dara,+ nga idatonna a maipaay iti bagina+ ken maipaay kadagiti basol gapu ti kinaignorante dagiti umili.+
8 Gapuna ti nasantuan nga espiritu pagbalinenna a nalawag a ti dalan+ nga agturong iti nasantuan a disso saan pay a naiparangarang bayat a sitatakder idi ti umuna a tolda.+
9 Daytoy met laeng a tolda maysa a pangngarig+ a maipaay iti naituding a tiempo nga itan dimtengen,+ ket iti panangannurot iti dayta agpadpada a maidaton dagiti sagut ken dagiti sakripisio.+ Nupay kasta, dagitoy saanda a kabaelan a pagbalinen a perpekto+ no maipapan iti konsiensiana+ ti tao nga agar-aramid iti sagrado a panagserbi,
10 no di ket mainaigda laeng kadagiti taraon+ ken kadagiti inumen+ ken nadumaduma a pammautisar.+ Dagita ket legal a kalikaguman maipapan iti lasag+ ket naipaalagadda agingga iti naituding a tiempo tapno mapalinteg ti bambanag.+
11 Nupay kasta, idi immay ni Kristo a kas nangato a padi+ ti naimbag a bambanag a napasamaken, babaen iti dakdakkel ken ad-adda a perpekto a tolda a saan nga inaramid dagiti ima, kayatna a sawen, saan nga itoy a pannakaparsua,+
12 isu simrek, saan, saan a buyogen ti dara+ dagiti kalding ken dagiti urbon a toro, no di ket buyogen ti bukodna a dara,+ a namimpinsanen idiay nasantuan a disso ket nagun-odna ti agnanayon a pannakaispal maipaay kadatayo.+
13 Ta no ti dara dagiti kalding+ ken dagiti toro+ ken dagiti dapo+ ti maysa a bumalasang a baka a naiwarsi kadagidiay natulawan+ mangsantipikar agingga iti pannakadalus ti lasag,+
14 anian nga ad-adda pay a ti dara+ ni Kristo, a babaen iti agnanayon nga espiritu indatonna+ ti bagina nga awan pakapilawanna iti Dios, dalusannanto+ dagiti konsiensiatayo manipud iti natay nga ar-aramid+ tapno mangipaaytayo iti sagrado a panagserbi+ iti sibibiag a Dios?
15 Iti kasta dayta ti makagapu nga isu manangibabaet+ iti maysa a baro a tulag, tapno, agsipud ta napasamak ti maysa nga ipapatay nga agpaay iti pannakaluk-atda babaen ti subbot+ manipud kadagiti salungasing iti sidong daydi immuna a tulag,+ dagidiay naayaban awatenda koma ti kari ti agnanayon a tawid.+
16 Ta no sadino nga adda tulag,+ kasapulan ti pannakaipaay ti ipapatay ti tao a nangaramid iti tulag.
17 Ta ti maysa a tulag adda bilegna gapu kadagiti natay a daton, yantangay saan a maipaalagad iti aniaman a tiempo bayat a sibibiag ti tao a nangaramid iti tulag.
18 Gapuna uray daydi immuna a tulag+ saan a nainaguraran nga awan dara.+
19 Ta idi naisaon ni Moises kadagiti amin nga umili+ ti tunggal bilin sigun iti Linteg, innalana ti dara dagiti urbon a toro ken dagiti kalding agraman ti danum ken eskarlata a delana ken hisopo+ ket winarsianna ti mismo a libro ken dagiti amin nga umili,
20 a kunkunana: “Daytoy ti dara ti tulag nga impasdek ti Dios kas maysa a bilin kadakayo.”+
21 Ket ti tolda+ ken dagiti amin a basehas iti publiko a panagserbi winarsianna met iti dara.+
22 Wen, nganngani amin a bambanag madalusanda babaen ti dara+ sigun iti Linteg, ket malaksid no maiparukpok ti dara+ awan maaramid a pannakapakawan.+
23 Gapuna nasken idi a dagiti mangisimbolo a ladawan+ ti bambanag iti langlangit ket madalusan babaen kadagitoy a pamay-an,+ ngem ti mismo a nailangitan a bambanag ket babaen kadagiti sakripisio a nasaysayaat ngem dagiti kasta a sakripisio.
24 Ta simrek ni Kristo, saan nga iti nasantuan a disso nga inaramid dagiti ima,+ a katulad ti kinapudno,+ no di ket idiay langit a mismo,+ tapno agparang ita iti sanguanan a mismo ti Dios maipaay kadatayo.+
25 Saan met a tapno idatonna a masansan ti bagina, pudno a kas iti iseserrek ti nangato a padi iti nasantuan a disso+ iti tinawen+ a mangikuyog iti dara a saanna a kukua.
26 Ta no saan, isu masapul nga agsagaba a masansan nanipud idi pannakabangon+ ti lubong. Ngem ita imparangarangna ti bagina+ a namimpinsanen+ iti panungpalan ti sistema ti bambanag+ tapno iwaksina ti basol babaen ti panangisakripisio iti bagina.+
27 Ket no kasano a naituding dagiti tattao+ a matayda a mamimpinsanen, ngem kalpasan daytoy ket maysa a pannakaukom,+
28 kasta met a ni Kristo naidaton a namimpinsanen+ tapno awitenna ti basbasol dagiti adu;+ ket ti maikadua a daras+ a panagparangna+ naisinanto dayta iti basol+ ken agpaay kadagidiay sipapasnek a mangsapsapul kenkuana maipaay iti pannakaisalakanda.+
