Hebreo 2:1-18
2 Dayta ti makagapu a ti bambanag a nangngegtayo+ nasken nga ipaayantayo iti panangipangag nga ad-adda ngem iti gagangay, tapno saantayo a pulos mayayus.+
2 Ta no ti sao a naisao babaen kadagiti anghel+ napaneknekan a natibker, ket ti tunggal salungasing ken tignay a kinasukir immawat iti pannusa maitunos iti kinahustisia;+
3 kasano ti panaglisitayo+ no liniwayantayo+ ti pannakaisalakan a kasta ti kinadakkelna+ idinto ta nangrugi a maisao dayta babaen iti Apotayo+ ken pinatalgedan+ kadatayo dagidiay nakangngeg kenkuana,
4 bayat a nakikadua ti Dios iti panangsaksi babaen kadagiti pagilasinan kasta met kadagiti tanda ken iti nadumaduma a mannakabalin nga ar-aramid+ ken babaen kadagiti pannakaibunong+ ti nasantuan nga espiritu sigun iti pagayatanna?+
5 Ta saan a kadagiti anghel ti nangipasakupanna ti mapagnaedan a daga nga umay,+ a maipapan iti dayta agsasaokami.
6 Ngem maysa a saksi ti nangted iti pammaneknek iti maysa a paset, a kunkunana: “Ania ti tao tapno sipapanunotka kenkuana,+ wenno ti anak ti tao tapno aywanam?+
7 Isu inaramidmo a nababbaba bassit ngem kadagiti anghel; kinoronaam iti dayag ken dayaw,+ ket dinutokam nga agaywan iti ar-aramid dagiti imam.+
8 Amin a bambanag impasakupmo iti baba dagiti sakana.”+ Ta iti dayta panangipasakupna kenkuana ti amin a bambanag+ awan binaybay-an ti Dios a saan a naipasakup kenkuana.+ Ita, nupay kasta, saantay pay a makita a naipasakup kenkuana ti amin a bambanag;+
9 ngem makitatayo ni Jesus, a napagbalin a nababbaba bassit ngem kadagiti anghel,+ a nakoronaan iti dayag+ ken dayaw gapu iti panagsagabana iti ipapatay,+ tapno ramananna ni patay maipaay iti tunggal tao babaen ti di kaikarian a kinamanangngaasi ti Dios.+
10 Ta mayanatup iti daydiay nakaigapuan ti kaadda ti amin a bambanag+ ken babaen kenkuana adda ti amin a bambanag, iti panangyeg iti adu nga annak iti kinadayag,+ a pagbalinen a perpekto ti Kangrunaan nga Ahente+ ti pannakaisalakanda babaen kadagiti panagsagaba.+
11 Ta agpadpada a ti mangsansantipikar ken dagidiay masansantipikar+ nagtaudda amin iti maymaysa,+ ket gapu itoy isu saan a mabain a mangawag kadakuada iti “kakabsat,”+
12 a kas iti kunana: “Ideklarakto ti naganmo iti kakabsatko; iti tengnga ti kongregasion idaydayawkanto babaen iti kanta.”+
13 Ken manen: “Agtalekakto kenkuana.”+ Ket manen: “Adtoy! Siak ken dagiti ubbing, nga inted kaniak ni Jehova.”+
14 Gapuna, yantangay dagiti “ubbing” makiramramanda iti dara ken lasag, uray isu umasping unay a nakiraman iti isu met laeng a bambanag,+ tapno babaen ti ipapatayna+ pukawenna+ daydiay addaan iti pannakabalin a mangyeg iti ipapatay,+ awan sabali, ti Diablo;+
15 ken tapno luk-atanna+ amin dagidiay a gapu iti buteng iti ipapatay+ naipasakupda iti pannakaadipen iti intero a panagbiagda.+
16 Ta iti kinapudnona saan a dagiti anghel ti badbadanganna, no di ket ti bin-i ni Abraham ti badbadanganna.+
17 Gapuna rebbengenna ti agbalin a kas iti “kakabsatna” iti amin a bambanag,+ tapno isu agbalin a naasi ken matalek a nangato a padi iti bambanag maipapan iti Dios,+ tapno mangidaton iti pangikappia+ a sakripisio maipaay iti basbasol dagiti tattao.+
18 Gapu ta isu nagsagaba idi masubsubok,+ kabaelanna ti bumadang kadagidiay masubsubok.+
