(Kapaut: 52:46)

Impakaammo ni Juan a Mammautisar ti panagparang ti Mesias. Rinugian ni Jesus ti ministeriona. Karaman iti daytoy nga episode dagitoy a salaysay:

• Rinugian ni Juan a Mammautisar ti ministeriona (Lucas 3:1, 2; Juan 1:6)

• Sinaksian ni Juan ti maipapan iti silaw (Juan 1:7, 8)

• Inkasaba ni Juan ti maipapan iti bautismo (Mateo 3:1-12; Lucas 3:3-18; Marcos 1:1-8)

• Ti panagbautisar ni Jesus (Mateo 3:13-17; Marcos 1:9-11; Lucas 3:21, 22)

• Inturong ti nasantuan nga espiritu ni Jesus a mapan iti let-ang (Marcos 1:12, 13; Mateo 4:1; Lucas 4:1, 2)

• Ti kapuonan ni Jesu-Kristo (Lucas 3:23-38; Mateo 1:1-17)

• Saan a nagpasulisog ni Jesus iti Diablo (Mateo 4:2-11; Lucas 4:3-13)

• Imbaga ni Juan a saan nga isu ti Kristo no di ket ti maysa nga agpukpukkaw iti let-ang (Juan 1:19-28)

• Inyam-ammo ni Juan ni Jesus kas “ti Kordero ti Dios” (Juan 1:29-31)

• Pinaneknekan ni Juan a bimmaba ti espiritu ken Jesus ken impakpakaunana ti panangbautisar ni Jesus babaen ti nasantuan nga espiritu (Juan 1:32-34)

• Sinurot dagiti adalan ni Juan ni Jesus (Juan 1:35-39)

• Inyam-ammo ni Andres ti kabsatna a ni Pedro ken Jesus (Juan 1:40-42)

• Nagbalin nga adalan ni Jesus da Felipe ken Natanael (Juan 1:43-51)

• Pinagbalin ni Jesus nga arak ti danum iti maysa a kasar idiay Cana ti Galilea (Juan 2:1-12)

• Umuna a panangdalus ni Jesus iti templo idiay Jerusalem (Juan 2:13-17)

• Nakisarita ni Jesus kadagiti bumusbusor a Judio maipapan iti panangbangonna iti templo iti tallo nga aldaw (Juan 2:18-22)

• Adu ti namati ken Jesus gapu kadagiti inaramidna a pagilasinan (Juan 2:23-25)