LEKSIYON 14
Sa Unsang Paagi ang Atong Pagsimba Makapalipay sa Diyos?
Sa nahisgotan na sa miaging leksiyon, dili tanang relihiyon ang makapalipay sa Diyos. Pero naay paagi sa pagsimba nga makapalipay sa atong Maglalalang. Unsa ang “matang sa pagsimba [o, relihiyon]” nga makapalipay niya? (Santiago 1:27, footnote) Matikdi kon unsay gitudlo sa Bibliya.
1. Sa unsa angayng ibase ang atong pagsimba?
Ang atong pagsimba angayng ibase sa Bibliya. Si Jesus miingon sa Diyos: “Ang imong pulong mao ang kamatuoran.” (Juan 17:17) Gibalewala sa ubang relihiyon ang kamatuoran nga naa sa Pulong sa Diyos, ang Bibliya. Ang ilang gisunod mao ang mga pagtulon-an ug tradisyon sa tawo. Pero si Jehova wala malipay niadtong ‘wala magsunod sa sugo sa Diyos.’ (Basaha ang Marcos 7:9.) Sa laing bahin, mapalipay nato ang iyang kasingkasing dihang ibase nato sa Bibliya ang atong pagsimba ug sundon ang tambag niini.
2. Sa unsang paagi angay natong simbahon si Jehova?
Ingong atong Maglalalang, si Jehova lang ang angay natong hatagag eksklusibong debosyon. (Pinadayag 4:11) Nagpasabot ni nga angay nato siyang higugmaon ug siya lang ang atong simbahon. Dili ta angayng mogamit ug mga idolo o imahen sa pagsimba kaniya.—Basaha ang Isaias 42:8.
Ang atong pagsimba kinahanglang “balaan ug dalawaton” kang Jehova. (Roma 12:1) Nagpasabot ni nga ang atong pagkinabuhi kinahanglang subay sa iyang moral nga mga sukdanan. Pananglitan, kadtong mga nahigugma kang Jehova gustong mosunod sa iyang mga sukdanan sa kaminyoon. Ilang likayan ang makadaot nga mga buhat, sama sa pagpanigarilyo, pagdroga, sobrang pag-inom, o paghuboghubog. a
3. Nganong angay natong simbahon si Jehova uban sa mga isigkamagtutuo?
Ang atong mga tigom kada semana naghatag natog kahigayonan sa ‘pagdayeg kang Jehova diha sa kongregasyon.’ (Salmo 111:1, 2) Ang usa ka paagi nga mahimo nato ni mao ang pag-awit ug mga pagdayeg sa Diyos. (Basaha ang Salmo 104:33.) Gisultihan ta ni Jehova nga motambong sa mga tigom kay gimahal ta niya ug nahibalo siya nga ang mga tigom motabang nato nga mabuhi hangtod sa hangtod. Sa mga tigom, madasig nato ang uban ug madasig pod ta nila.
TUN-IG DUGANG
Susiha kon nganong dili malipay si Jehova sa paggamit ug mga imahen sa pagsimba. Sayra ang importanteng mga paagi nga atong madayeg ang Diyos.
4. Dili ta angayng mogamit ug mga imahen sa atong pagsimba
Nganong nahibalo ta nga ang paghimo niana dili makapalipay sa Diyos? I-play ang VIDEO, ug dayon hisgoti ang mosunod nga pangutana:
-
Unsay nahitabo dihang ang ubang alagad sa Diyos sa panahon sa Bibliya misimba niya gamit ang usa ka idolo?
Ang uban gustong mas masuod sa Diyos pinaagi sa paggamit ug mga imahen diha sa ilang pagsimba. Pero dili kaha mopalayo na hinuon ang Diyos kanila tungod ana? Basaha ang Exodo 20:4-6 ug Salmo 106:35, 36, ug dayon hisgoti kini nga mga pangutana:
-
Unsa nga mga butang o imahen ang imong nakita nga gigamit sa mga tawo sa ilang pagsimba?
-
Unsay pagbati ni Jehova bahin sa paggamit ug mga imahen?
-
Unsay imong pagbati bahin sa paggamit ug mga imahen?
5. Kon si Jehova lang ang atong simbahon, mahigawas ta sa bakak nga mga pagtulon-an
Tan-awa kon sa unsang paagi ang pagsimba kang Jehova sa hustong paagi makapahigawas nato sa bakak nga mga pagtulon-an. I-play ang VIDEO.
Basaha ang Salmo 91:14, ug dayon hisgoti kini nga pangutana:
-
Unsay gisaad ni Jehova kanato kon siya ray atong simbahon agig pagpakita nga gimahal nato siya?
6. Atong masimba ang Diyos diha sa mga tigom sa kongregasyon
Dihang mokanta ta ug mokomento sa mga tigom sa kongregasyon, atong madayeg si Jehova ug madasig nato ang uban. Basaha ang Salmo 22:22, ug dayon hisgoti kini nga mga pangutana:
-
Ganahan ba ka sa mga komento nga imong madunggan sa tigom?
-
Gusto ba nimong mangandam ug komento para sa tigom?
7. Malipay si Jehova dihang isulti nato sa uban ang atong nakat-onan
Daghag paagi nga atong masulti sa uban ang mga kamatuoran sa Bibliya. Basaha ang Salmo 9:1 ug 34:1, ug dayon hisgoti kini nga pangutana:
-
Unsay imong nakat-onan sa Bibliya nga gusto nimong isulti sa uban?
ANG UBAN MOINGON: “Imposible nga mapalipay nato ang Diyos.”
-
Unsay imong hunahuna?
SUMARYO
Mapalipay nato ang atong Maglalalang kon siya ray atong simbahon, kon dayegon nato siya diha sa mga tigom sa kongregasyon, ug kon isulti nato sa uban ang atong nakat-onan.
Review
-
Sa unsang paagi nato mahibaloan kon unsaon pagsimba ang Diyos sa hustong paagi?
-
Nganong si Jehova lang ang angay natong simbahon?
-
Nganong angay tang mosimba uban sa mga tawo nga gustong mapalipay ang Diyos?
SUSIHA
Sa estorya nga “Dili na Ko Ulipon sa mga Idolo,” basaha kon unsay gihimo sa usa ka babaye aron makalingkawas sa idolatriya.
“Ang Bibliya Makabag-o sa Kinabuhi” (Ang Bantayanang Torre, Hulyo 1, 2011)
Sayra kon unsay makatabang nimo sa paghatag ug komento diha sa mga tigom sa kongregasyon.
“Dayega si Jehova Diha sa Kongregasyon” (Ang Bantayanang Torre, Enero 2019)
Tan-awa kon sa unsang paagi ang usa ka lalaki nakabenepisyo sa mga tigom sa kongregasyon bisan pag dili sayon para niya ang pagtambong.
Daghan ang nagtuo nga ang krus simbolo sa Kristiyanidad. Pero angay ba nato ning gamiton sa atong pagsimba?
“Nganong ang mga Saksi ni Jehova Dili Mogamit ug Krus sa Pagsimba?” (Web article)
a Kini nga mga topiko hisgotan sa mosunod nga mga leksiyon.
Basin Ganahan Pod Ka
KOMON NGA MGA PANGUTANA
Unsa ang Bible Study Program nga Gina-offer sa mga Saksi ni Jehova?
Sa libreng interactive program nga gina-offer sa mga Saksi ni Jehova, puwede nimong gamiton ang bisan unsang bersiyon sa Bibliya. Puwede nimong paapilon ang tibuok pamilya o mga amigo o amiga.
