Laktaw ngadto sa video

Unsa ang Bible Study Program nga Gina-offer sa mga Saksi ni Jehova?

 Unsay ginahimo dihang mag-Bible study?

Naay instructor nga motabang nimo sa pag-Bible study. Hisgotan ninyo ang lainlaing topic. Gamit ang librong Mabuhi Ka Hangtod sa Hangtod! anam-anam nimong makat-onan kon unsay mensahe sa Bibliya ug kon sa unsang paagi kini makatabang nimo. Para sa dugang impormasyon, tan-awa ni nga video.

 Naa bay bayad ang pag-Bible study?

Wala. Ang mga Saksi ni Jehova nagsunod sa sugo ni Jesus sa iyang mga tinun-an: “Kamo nakadawat nga walay bayad, panghatag nga walay bayad.” (Mateo 10:8) Libre pod ang mga basahon nga gigamit sa pagtuon, sama sa Bibliya ug publikasyon nga Mabuhi Ka Hangtod sa Hangtod!

 Unsa ka dugay mahuman ang Bible study program?

Ang tibuok program naay 60 ka leksiyon. Ikaw ang magbuot kon unsa ka dugay nimo ning humanon, pero daghang estudyante ang gustong magtuon ug usa ka leksiyon o kapin pa kada semana.

 Unsay akong himoon kon gusto nakong magpa-Bible study?

  1. 1. Pil-apan nimo ang online form. Ang personal information nga imong i-submit gamiton lang sa pag-process sa imong request nga kontakon kag Saksi ni Jehova.

  2. 2. Naay instructor nga mokontak nimo. Iyang i-explain nimo ang arrangement sa pag-Bible study ug tubagon niya kon naa kay mga pangutana.

  3. 3. Magsabot mo sa imong instructor. Puwede mong mag-Bible study nga personal o pinaagig telepono, video call, sulat, o email. Ang kada sesyon kasagaran moabot ug usa ka oras, pero puwede ra pod nga wala ray usa ka oras o kaha sobrag usa ka oras, depende sa imong eskedyul.

 Puwede ba nga testingan lang una nako ang pag-study?

Oo. Pil-api ang online form. Dihang kontakon ka sa imong instructor, ingna siya nga motesting lang una ka kon ganahan ba ka. Iyang gamiton ang brosyur nga Mabuhi Ka Hangtod sa Hangtod! nga naghisgot sa unang tulo ka leksiyon aron imong makita kon ganahan ba kang mag-Bible study.

 Kon magpa-Bible study ko, pugson ba ko nga mahimong Saksi ni Jehova?

Dili. Ang mga Saksi ni Jehova ganahang motudlo sa mga tawo bahin sa Bibliya, pero dili namo pugson ang uban nga mosulod sa among relihiyon. Hinuon, among ipakita sa matinahorong paagi kon unsay giingon sa Bibliya, kay nakasabot mi nga ang kada usa naay katungod sa pagpili kon unsay iyang tuohan.—1 Pedro 3:15.

 Puwede ba nakong gamiton ang akong Bibliya?

Oo, puwede nimong gamiton ang bisan unsang bersiyon sa Bibliya nga gusto nimo. Ganahan ming mogamit sa Bag-ong Kalibotang Hubad sa Balaang Kasulatan nga tin-aw ug saktong pagka-translate, pero nakasabot mi nga daghang tawo ang gustong mogamit sa ilang naandan nga Bibliya.

 Puwede ba nga paapilon nako ang uban sa akong pag-Bible study?

Oo. Puwede nimong paapilon ang imong tibuok pamilya o ang imong mga amigo o amiga.

 Kon nagpa-Bible study na ko sa mga Saksi ni Jehova sa una, puwede ba kong magpa-Bible study ug usab?

Oo. Basin mas mag-enjoy pa gani ka sa bag-ong study program kay gipahaom ni sa panginahanglan sa mga tawo karon. Mas daghag picture ug video ang libro nga ginagamit karon ug mas interactive ang pagtuon.

 Naa ba moy gina-offer nga program sa Bible study nga walay instructor?

Oo. Ang kadaghanan mas makakat-on kon naay instructor, pero mas gusto sa uban nga sa primero sila lang una ang magtuon. Sa among webpage nga Mga Tabang sa Pagtuon sa Bibliya, makita nimo ang libreng mga reperensiya nga makatabang nimo sa imong pagtuon sa Bibliya. Pananglitan: