Privacy Settings

To provide you with the best possible experience, we use cookies and similar technologies. Some cookies are necessary to make our website work and cannot be refused. You can accept or decline the use of additional cookies, which we use only to improve your experience. None of this data will ever be sold or used for marketing. To learn more, read the Global Policy on Use of Cookies and Similar Technologies. You can customize your settings at any time by going to Privacy Settings.

Wan dog

Ol Animol ?Oli Go Long Heven?

Ol Animol ?Oli Go Long Heven?

Samting We Baebol i Talem

 Baebol i tijim se aot long evri laef samting long wol, wan smol namba blong ol man nomo bae oli go long heven. (Revelesen 14:1, 3) Oli go ya blong rul olsem ol king mo pris wetem Jisas. (Luk 22:28-30; Revelesen 5:9, 10) Bighaf blong ol man bae oli laef bakegen blong stap long wan paradaes wol.

 Baebol i no tokbaot nating se olgeta long heven oli gat animol o dog long haos—mo hemia i stret. Ol animol oli no naf blong kasem ol mak we i nidim blong oli kasem blong “go long heven.” (Hibru 3:1) Hemia ol mak olsem kasemsave long ol loa blong God, soemaot bilif, mo obei. (Matiu 19:17; Jon 3:16; 17:3) God i wokem man nomo we hem i naf blong laef olwe.

 Blong go long heven, ol laef samting oli mas laef bakegen. (1 Korin 15:42) Baebol i tokbaot sam we oli laef bakegen. (1 King 17:17-24; 2 King 4:32-37; 13:20, 21; Luk 7:11-15; 8:41, 42, 49-56; Jon 11:38-44; Ol Wok 9:36-42; 20:7-12) Be evriwan long olgeta hem i ol man nomo, i nogat animol.

 ?Ol animol oli gat sol?

 Nogat. Baebol i tijim se ol man mo tu ol animol oli ol sol. (Namba 31:28) Taem God i mekem faswan man Adam, hem i no givim hem wan sol be hem i “kam wan laef sol.” (Jenesis 2:7, futnot) I gat tu samting we i mekem wan sol, hemia: das blong “graon” long wol ya, mo “win blong laef.”

 ?Sol i save ded?

 Yes, Baebol i tijim se sol i save ded. (Levitikas 21:11, futnot; Esikel 18:20) Taem ol animol mo ol man oli ded, oli gobak long das o graon long wol ya. (Ol Krae 3:19, 20) I minim se, oli no moa laef.

 ?Ol animol oli save mekem sin?

 Nogat. Blong mekem sin, i minim se hem i mekem long tingting, o filing blong hem, o mekem samting we i brekem loa blong God. Taswe blong wan laef samting i mekem sin, fastaem hem i mas naf blong jusum ol gudfala fasin o stret fasin. Ol animol oli no naf blong mekem olsem. Plante taem oli folem nomo samting we oli harem se oli mas mekem long laef blong olgeta. (2 Pita 2:12) Nao long en blong laef blong olgeta, oli ded, nating se oli no mekem sin.

 Fasin blong tritim nogud ol animol ?i oraet nomo?

 Nogat. God i givim raet long man blong oli bos long ol animol be i no blong tritim nogud olgeta. (Jenesis 1:28; Ol Sam 8:6-8) God i kea long evri wanwan animol—iven ol smosmol pijin. (Jona 4:11; Matiu 10:29) Hem i givim loa long ol man blong hem blong oli kea gud long ol animol.—Eksodas 23:12; Dutronome 25:4; Ol Proveb 12:10.