Nogat. Skul blong mifala i no stap jekem ol muvi, mo ol miusik, mo ol buk, blong putum tabu long sam long olgeta. ?From wanem?

  Baebol i talem se yumi wanwan i mas ‘kam naf blong jusumaot’ wanem samting i gud mo wanem samting i nogud.—Hibrus 5:14.

  Baebol i talem ol rul we Kristin i save folem taem hem i jusum ol muvi mo miusik mo buk. a Mifala i “traehad blong faenemaot ol fasin we Masta blong yumi i glad long hem,” olsem we mifala i mekem long ol narafala samting long laef tu.—Efesas 5:10.

  Baebol i givim raet long hed blong famle blong blokem sam samting we i save spolem famle, olsem ol rabis muvi mo miusik mo buk. (1 Korin 11:3; Efesas 6:1-4) Be i no givim raet long wan narafala man blong putum tabu long sam muvi mo miusik mo buk, se olgeta long kongregesen oli no save lukluk mo lesin mo ridim olgeta.—Galesia 6:5.