1 Samwele 2:1-36
2 E lyo Hana apepele+ no kutila:“Umutima wandi uleangila muli Yehova,+Naimisha ulusengo* lwandi muli Yehova.+Nayasamuna akanwa kandi ku kwasuka abalwani bandi,Pantu ndesekelela pe pusukilo lyafuma kuli imwe.+
2 Takwaba uwa mushilo nga Yehova, takwaba kano fye imwe;+Kabili takwaba icilibwe icaba nga Lesa wesu.+
3 Mwe bantu mwilanda sana ifya matutumuko,Mwileka mu tunwa+ twenu mufume amashiwi ya matutumuko,Pantu Yehova, ni Lesa umwine uwaishiba,+Kabili e upima+ fyonse ifyo abantu bacita.
4 Impalume sha mata shaba no mwenso,+Lelo abaleipununa bena nomba baba na maka.+
5 Abaikuta baya ku kubombela ifya kulya,+Lelo aba nsala tabali ne nsala kabili iyo.+Nangu ni ng’umba yafyala abana cinelubali (7),+Lelo uwakwete abana abengi takakwate na kabili.+
6 Yehova alikwata amaka ya kwipaya no kupususha umweo,+E utentemushisha ku Nshiishi,*+ kabili e wimya ukufuma ku nshiishi.+
7 Yehova alikwata amaka ya kulenga ubupiina+ kabili alikwata amaka ya kucindamika,+E uwisha, kabili e wimya,+
8 E wimya umulanda ukufuma mu lukungu,+Emya umupiina+ ukufuma mu mito,Ukubateka pamo na bakankaala; kabili abapeela+ icipuna ca bukata.+Pantu inceshi ishatungilila isonde+ sha kwa Yehova,Kabili e po abika icalo.
9 Alinda amakasa ya baba ne cishinka kuli ena,+Kumfwa ababifi, baonaulwa mu mfifi,+Pantu umuntu tacimfisha ku maka yakwe.+
10 Lelo abakangana na Yehova bakekatwa umwenso;+Akababulukutila ukufuma mu muulu.+Yehova akapingula icalo conse,+Ukuti apeele imfumu yakwe amaka,+Ukuti emye ulusengo* lwa wasubwa wakwe.”+
11 E lyo Elkana aile ku ng’anda ku mwakwe ku Rama; lelo umwaice ali mubomfi+ wa kwa Yehova pa cinso ca kwa Eli shimapepo.
12 Nomba abana baume ba kwa Eli bali finangwa fya bantu;+ balisuulile Yehova.+
13 Ifi e fyo balecita ku nama iyo abantu balingile ukupeela bashimapepo:+ baleti ilyo umuntu onse alepeela ilambo, umubomfi wa kwa shimapepo aleisa ne ca kutunkwilako ica meno yatatu ku minwe yakwe, ilyo inama ileipikwa,+
14 no kushimpa ica kutunkwilako mu cilongo nelyo mu mpoto iyakwata ifya kwikatilako fibili atemwa mu mpoto iikalamba nangu mu mpoto iyakwata ica kwikatilako cimo. Conse ico ica kutunkwilako ca-abula, shimapepo aleibuulila. E fyo balecita ku Shilo ku bena Israele bonse abaleisako.+
15 Kabili, ilyo bashilaoca amafuta ukuti yafutumune icushi,+ umubomfi wa kwa shimapepo aleisa no kweba uulepeela ilambo ati: “Mpeelako inama ya kocela shimapepo pantu alefwaya ukupoka iibishi, te yaipikwa iyo.”+
16 No yo muntu nga amweba ati: “Leka batale bafutumune icushi ca mafuta.+ E lyo uibuulile we mwine conse ico umutima obe ulefwaya,”+ aleasuka ati: “Iyo, lelo leta nomba line; nga te ifyo, nalapoka ku maka!”+
17 No lubembu lwa babomfi lwalikulile nga nshi mu menso ya kwa Yehova;+ pantu aba bantu basuulile umutuulo wa kuli Yehova.+
18 Na Samwele alebombela+ Yehova, ninshi ali umwaice, kabili alefwala efode wa nsalu.+
19 Kabili nyina alemubilila ica kufwala icabula amaboko ico alemutwalila cila mwaka ilyo aya no mulume wakwe ukuyapeela ilambo lya pa mwaka.+
20 Na o Eli apaalile+ Elkana no mukashi wakwe no kutila: “Shi Yehova akupeele abana muli uyu mukashi obe aba kupyana pa mwana mwa-ashimisha, uo mwa-ashimisha Yehova.”+ Na bo babwelele ku mwabo.
21 E lyo Yehova aumfwilile Hana uluse,+ na o alimite kabili afyele abana baume batatu na banakashi babili.+ No mwaice Samwele alekula na Yehova.+
22 Nomba Eli ali umukote nga nshi, kabili alyumfwile+ fyonse ifyo abana bakwe balecita+ kuli Israele onse ne fyo balelaala na banakashi+ abalebombela pa mwinshi wa cikuulwa ca kukumaninako.+
23 Kabili alebepusha ati:+ “Cinshi mucitila ifintu fya musango yu?+ Pantu ifyo ndeumfwa pali imwe ku bantu bonse fibi.+
24 Awe+ bana bandi, pantu ilyashi ndeumfwa, ilyo abantu ba kwa Yehova balesalanganya, taliweme.+
25 Ngo muntu abembukila umuntu,+ Lesa akamulubulwila;+ lelo ngo muntu abembukila Yehova,+ nani wingamupepelako?”+ Lelo tabaleumfwa ifyo shibo+ alebeba, pantu Yehova alefwaya ukubepaya.+
26 Muli yo nshita umwaice Samwele alekula kabili Yehova alimutemenwe na bantu na bo balimutemenwe.+
27 Nomba umuntu wa kwa Lesa+ aishile kuli Eli no kumweba ati: “E fyo Yehova asosa ati, ‘Bushe nshaisokolwele ku ba mu ng’anda ya fikolwe fyobe ilyo bali abasha mu Egupti ku ba mu ng’anda ya kwa Farao?+
28 Kabili namusalile ukufuma mu mikowa yonse iya kwa Israele ukuti abe wandi,+ ukuba shimapepo no kunina pa ciipailo candi,+ pa kuti alefutumuna icushi ca malambo, ku kusenda efode pa cinso candi, ukuti mpeele ku ng’anda ya cikolwe cobe imituulo yonse iya pa mulilo iya bana ba kwa Israele.+
29 Cinshi ico musaalwila amalambo yandi+ ne mituulo iyo namweba ukuti mulepeela mu cikuulwa candi ica mushilo,+ kabili ucindika abana bobe ukucila ine pa kuti muleina+ pa mulandu wa kulya ifyawamisha ifya mituulo yonse iya bantu bandi abena Israele?+
30 “‘E co Yehova, Lesa wa kwa Israele asosela ukuti: “Nasosele nati, Aba mu ng’anda yobe na ba mu ng’anda ya kwa wiso, bakabombela ine umuyayaya.”+ Lelo nomba Yehova asosa ati: “Ca kutali kuli ine, pantu abancindika+ nkabacindika,+ na bansuula nkabamona nga bashili kantu.”+
31 Mona! Inshiku shileisa ilyo nkaputula amaka yobe na maka ya ba mu ng’anda ya kwa wiso, ica kuti tamwakabe umukote mu ng’anda yobe.+
32 Kabili ukamona fye umulwani mu cikuulwa candi ica mushilo ilyo kuli ifisuma ifilecitwa mu Israele;+ kabili tamwakatale amuba umukote mu ng’anda yobe.
33 Lelo kuli umuntu obe umo uo nshakepaye ukufuma pa ciipailo candi pa kuti amenso yobe yakashibantukile no mweo obe ukanakuke; lelo abengi aba mu ng’anda yobe bakafwa ku lupanga lwa bantu.+
34 Ne ci e cishibilo kuli iwe icikesaponena abana bobe babili abaume, Hofini na Finehasi.+ Bonse babili bakafwa mu bushiku bumo.+
35 Kabili nkaifwaila shimapepo wa cishinka.+ Akacita ukulingana ne fili mu mutima wandi ne fyo mfwaya; kabili nkamukuulila ing’anda iibelelela, kabili akabombela uwasubwa wandi+ inshiku shonse.
36 Kabili onse uukashalako+ ku ba mu ng’anda yobe akesamukontamina ukuti alipilwe indalama no mukate, kabili akatila: “Shi munundeko kuli bushimapepo pa kuti ndelyako akamokolwa ka mukate.”’”+
Amafutunoti
^ Ulusengo lwa nama mu Baibolo lwimininako ukukosa, amaka, nelyo amaka ya kutungulula.
^ Moneni Icipande calenga 4 ica Ifyalundwako.
