KAMPENI YA KWITA ABANTU KU CIBUKISHO
Yesu Akalenga Inkondo Ukupwa
Ilyo Yesu ali pe sonde, alilangile ifyo atemenwe abantu ica kuti ali-itemenwe ukubafwila. (Mateo 20:28; Yohane 15:13) Nomba line fye, na kabili ali no kulanga ifyo atemwa abantu ilyo akabomfya amaka yakwe nge Mfumu ya Bufumu bwa kwa Lesa ukulenga “inkondo ukupwa ukufika ku mpela sha pano isonde.”—Amalumbo 46:9.
Moneni ifyo Baibo ilondolola ifyo Yesu akacita:
“Akapususha umulanda uulekuuta mutuule, no wacula na onse uushakwata wa kumwafwa. Akomfwila ubulanda umulanda no mupiina, kabili akapususha imyeo ya bapiina. Akalubula imyeo yabo ukufuma ku ba mutitikisha na ku ba bunkalwe.”—Amalumbo 72:12-14.
Bushe kuti twalanga shani ukuti tulatasha pa fyo Yesu atucitila e lyo na pa fyo akatucitila ku ntanshi? Pali Luka 22:19, Yesu aebele abasambi bakwe ukulaibukisha imfwa yakwe. E mulandu wine Inte sha kwa Yehova balonganina pamo ku kwibukisha imfwa ya kwa Yesu. Tulemwita ukwisalongana na ifwe ilyo tukalaibukisha imfwa ya kwa Yesu pa Mulungu pa 24 March, 2024.
Nalimo Kuti Mwatemwako ne fi
ICIBUKISHO
Muleibukisha Imfwa ya kwa Yesu
Tulemwita ku kulongana ukwacindama nga nshi, pali uku kulongana tukalaibukisha imfwa ya kwa Yesu. Mukesasambilila ifyo ubumi bwa kwa Yesu ne mfwa yakwe fingamunonsha.
AMASAMBILISHO YA MU BAIBO AYACINDAMA
Bushe Ubufumu bwa kwa Lesa ni Cinshi?
Ilyo Yesu ali pano isonde alesambilisha sana pa Bufumu bwa kwa Lesa ukucila pa lyashi ili lyonse. Pa myaka iingi abantu abengi balapepa ukuti ubu Bufumu bwise.
ULUPUNGU LWA KWA KALINDA
Icine pa Bufumu bwa kwa Lesa
Amalembo yalilanda pa Mfumu ya Bufumu bwa kwa Lesa, uko bukabela, ifyo bukacita, abakalateka nabo bukalateka.
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.
