ULWIMBO 81
Imikalile ya Bapainiya
-
1. Nga bwaco lucelo, ilyo kulebuuta,
Tulaba no tulo,
lelo tulema no kupepa.
Tulaba ne nsansa ku bo tukumanya.
Bamo balakaana
ukumfwa, lelo tatuleka.
(KORASI)
Incito twasala
Kubombela Lesa.
’Fyo atweba twakulacita.
Nangu fintu fyafye
Tulashipikisha.
E nshile yo tulangilamo kutemwa.
-
2. Nga cabe cungulo, ilyo kulefiita,
Nangu twanaka
tulasansamuka no kupepa.
E ncito twatemwa, twali-ipeelesha.
Tulatasha Yehova
Lesa pa fyo atupaala.
(KORASI)
Incito twasala
Kubombela Lesa.
’Fyo atweba twakulacita.
Nangu fintu fyafye
Tulashipikisha.
E nshile yo tulangilamo kutemwa.
(Moneni na Yosh. 24:15; Amalu. 92:2; Rom. 14:8.)
