Yob 22:1-30

22  Ne a Teimansma Elifas taki:   „Yu denki taki Gado man gebroiki wan libisma gi wan bun sani?+Yu denki taki a man gebroiki wan sma di man si sani krin?   Na Almaktiwan e prisiri taki yu na wan reti-ati sma?+Noso a e kisi wini te yu e du soso bun?+   Yu denki taki Gado o piri-ai gi yu efu yu abi lespeki gi en?Yu denki taki a o tyari yu na fesi krutu?+   Yu no du nofo ogri kaba?+O ten yu o tapu nanga den sondu fu yu?   Yu e teki sani fu yu brada leki panti, aladi yu no abi reti fu du dati,+Èn yu e puru srefi den krosi fu den pôtiwan na den skin.   Te wan sma weri, yu no e gi en wan sani fu dringi,Èn te wan sma abi angri, yu no wani gi en wan sani fu nyan.+   Heihei man leki yu ben teki furu gron gi densrefi+Èn na soso den sma dati abi a grani fu libi na den presi dati.   Den uma di den masra dede kaba, yu seni gowe nanga soso anu,Èn yu broko den anu fu den pikin di no abi papa.+ 10  Fu dati ede krafana de na yu lontu fu fanga yu,+Èn wantronso sani e pasa di e meki yu frede srefisrefi. 11  Soso dungru de na yu lontu, so taki yu no man si noti,Èn wan bigi frudu kon na yu tapu. 12  Gado de na a moro hei pisi fu hemel, a no so?+Luku, ala den stari+ na hemel hei tu. 13  Toku yu taki: ’San Gado sabi?A man krutu sani bun te ala sani dungru pikapika? 14  A e kibri na ini den wolku, so taki a no man si san e pasa.A e waka lontu na a lanki fu hemel.’ 15  Yu o tan waka a pasi fu owruten?Ogri sma ben gwenti waka a pasi dati. 16  Frukufruku kaba dede teki den tyari gowe,+Èn a fondamenti+ fu den wasi gowe neleki wan liba. 17  Den taigi a tru Gado: ’Libi wi!+Sortu ogri na Almaktiwan kan du wi?’ 18  Toku Gado furu den oso nanga bun sani.+Mi no arki nowan rai fu den ogri sma.+ 19  Te den reti-ati sma o si fa den ogri sma e kisi pori, den o prisiri,+Èn den wan di no e du ogri, o spotu den. 20  ’Iya, den feanti fu wi kisi pori.Faya o kiri den wan di tan abra.’ 21  Grantangi, du muiti fu kon sabi Gado, èn sorgu taki a feni yu bun.Dan bun o miti yu. 22  Grantangi, arki a wèt fu enÈn meki den sani di a taki, naki yu ati.+ 23  Efu yu drai go baka na a Almaktiwan,+ dan sani o waka bun gi yu baka.Efu yu sorgu taki kruktudu tan farawe fu yu tenti, 24  Efu yu e trowe diriston na ini a doti,Èn a gowtu fu Ofir+ na mindri den ston fu den lagipresi, 25  Dan na Almaktiwan srefi o tron den gudu dati gi yu.A o tron a moro soifri solfru gi yu.+ 26  Efu yu du dati, dan yu o prisiri nanga na Almaktiwan,+Èn yu o opo yu ede luku Gado srefi.+ 27  Te yu o begi en, a o arki yu,+Èn yu o du san yu pramisi.+ 28  Te yu bosroiti fu du wan sani, dan yu o man du dati trutru.Leti o skèin na tapu den pasi fu yu.+ 29  Te yu e meki bigi, yu o kisi syen.+Ma te wan sma abi sakafasi, dan Gado o frulusu en.+ 30  A o frulusu wan sma di no e du ogri.+A musu fu frulusu yu efu yu anu krin.”+

Futuwortu