Yob 27:1-23

27  Ne Yob bigin taki wan puwema:+   „Mi e sweri na Gado+ di no wani krutu mi na wan reti fasi,+Iya, mi e sweri na a Almaktiwan di e meki mi nyan pina,+   Taki solanga mi e blo ete,Èn solanga Gado gi mi krakti fu hari blo,+   Mi mofo no o taki nowan kruktu saniÈn mi tongo no o taki nowan sani fu bedrigi sma!   Mi no man taki noiti dati unu na reti-ati sma!+Mi o tai hori na Gado+ teleki mi hari mi lasti bro!   Mi sabi taki mi abi leti èn mi o tan tyari misrefi na a fasi dati.+Nowan dei fu mi libi mi o abi konsensi fonfon.+   Meki mi feanti tron wan sma di e du ogri ala ten.+Meki a sma di e opo ensrefi teige mi, tron wan ogriman trutru.   Bika sortu howpu wan sma di drai baka gi Gado, abi te Gado kiri en,+Noso te Gado teki en libi?+   Te a de na ini banawtuÈn a bari tranga, dan Gado o arki en?+ 10  A o prisiri nanga na Almaktiwan?A o kari Gado ala ten? 11  Meki mi gi unu leri nanga yepi fu Gado.Den sani di na Almaktiwan abi na prakseri, mi no o kibri gi unu.+ 12  Un alamala si fisyun.We, dan fu san ede unu e du leki donman?+ 13  Disi na san Gado gi wan ogri sma.+Iya, na disi wan ogri-ati sma o kisi fu na Almaktiwan. 14  Awinsi a kisi furu pikin, feti-owru o kiri den.+Den bakapikin fu en no o abi nofo nyanyan. 15  Wan takru siki o kiri den sma fu en di tan abra èn trawan o beri den.Te den dede, den wefi fu den no o krei.+ 16  Awinsi a e tyari solfru kon na wán neleki na doti,Èn a abi so furu krosi taki a gersi wan ipi tokotoko, 17  Toku na den reti-ati sma o weri den krosi,+Èn na den wan di no e du ogri o prati a solfru fu en. 18  Na oso di wan ogri sma bow no steifi srefisrefi.A de leki a kampu+ di wan waktiman meki. 19  A o go didon leki wan guduman, ma toku a no o man tyari noti kon na wán.A o opo en ai, ma noti no o de moro.+ 20  Leki skwala wan lo ogri o kon na en tapu wantronso.+Na neti wan bigi winti o tyari en gowe. 21  Wan winti fu owstusei o tyari en gowe,+ dan a no o de moro.Iya, wan draiwinti o teki en tyari gowe fu en presi.+ 22  A winti o wai kon na en tapu èn a no o sari en.+Te a winti o kon nanga ala krakti, a o du ala sani fu man lowe gowe.+ 23  Sma o naki anu gi en+Èn den o froiti+ te den e si san e pasa nanga en.

Futuwortu