Yob 2:1-13

2  Bakaten den manpikin fu a tru Gado Yehovah kon na en fesi. Satan ben kon drape tu, leti na den mindri fu tanapu na fesi Yehovah.+  Ne Yehovah aksi Satan: „Pe yu komoto?” Dan Satan piki Yehovah: „Mi ben e koiri na grontapu èn mi ben e wakawaka lontu drape e luku sani.”+  Dan Yehovah taigi Satan: „Yu poti prakseri na mi futuboi Yob?+ Nowan sma na grontapu de leki en. A de wan bun man di lobi retidu,+ di abi bigi lespeki gi Gado,+ èn di e wai pasi gi ogri.+ Aladi someni sani miti en, toku a e tan du san reti.+ Ma yu wani taki mi musu kiri+ en fu soso.”+  Ma Satan+ taigi Yehovah: „Te wan sma de fu dede, a o gi ala san a abi fu man tan na libi.+   Ma grantangi, langa yu anu now èn du wan ogri sani nanga Yob srefi. Meki a firi en te na ini en bonyo srefi, dan yu o si efu a no o fluku yu leti na ini yu fesi.”+  Dati meki Yehovah taigi Satan: „A bun. Yu kan du nanga en san yu wani. Ma hori na prakseri taki yu no musu kiri en!”  Baka dati Satan komoto na fesi Yehovah.+ Dan a meki Yob kisi wan takru siki. Fu en ede te na en ondrofutu Yob ben lai butsweri.+  Dati meki a go sidon na ini asisi,+ èn nanga wan pisi broko prapi a ben e krabu en skin.  Bakaten en wefi taigi en: „Te now ete yu e tan du bun?+ Fluku Gado, dan yu dede!” 10  Ma Yob taigi en: „Yu e taki leki wan uma di no abi frustan.+ Na soso a bun fu a tru Gado wi musu teki? Wi no musu teki na ogri tu?”+ Aladi den sani disi miti en, toku Yob no taki nowan sani di meki a sondu.+ 11  Ne dri mati fu Yob kon yere fu ala den rampu di miti en. Dan den meki mofo fu go na en.+ Den man disi ben de a Teimansma+ Elifas, a Suwasma+ Bildad, nanga a Namasma Sofar.+ Sobun, den kon makandra, dan den go na en fu krei nowtu nanga en èn fu trowstu en.+ 12  Di den ben de fara ete den si wan sma, ma den no ben sabi taki na Yob. Ma di den si taki na Yob, den bari krei èn ibriwan fu den priti+ en dyakti. Dan den trowe finifini doti na tapu den ede.+ 13  Ne den sidon+ nanga en na tapu a gron seibi dei nanga seibi neti. Nowan fu den taigi Yob wan sani, fu di den si taki a ben e pina+ trutru.

Futuwortu