Kichay leenaykipaq

Índice nisqaman riy

Sutiykiwan jaykuy (abre una nueva ventana)
JW.ORG nisqapi maskhay

Casarakuymanta

Casarakuymanta

¿Pitaq casarakuyta rijurichirqan?

Gén. 1:​27, 28; 2:​22-24; Mat. 19:​4-6

¿Pitan juj iñiqmasi casarakunanpaq ajllakunan?

¿Imanaqtinmi Jehová Diosta serviq tayta-mamakuna manapuni allinpaq qhawarinankuchu wawanku mana iñiq runawan casarakusqankuta?

1 Cor. 7:39; 2 Cor. 6:​14, 15

  • Kay textokunan chaymanta rimashallantaq:

    • Gén. 24:​1-4, 7. Abrahanqa kuraqña kashaspapas Jehová Diosta serviq warmitan Isaac wawanpaq maskhanpurqan, manan munarqanchu Canaán warmikunawan casarakunanta, chay runakunaqa waj dioskunatan yupaychaqku.

    • Gén. 28:​1-4. Isaacqa churin Jacobtan nirqan: “Amapunin Canaán warmikunawanqa casarakunkichu, aswanpas Jehová Dios serviq warmitan maskhakamunki”, nispa.

¿Imaynan Jehová Dios sientekun mayqen serviqninpas mana payta serviq runawan casarakuqtin?

Deut. 7:​3, 4

  • Kay textokunan chaymanta rimashallantaq:

    • 1 Rey. 11:​1-6, 9-11. Rey Salomonqa Diospa kamachikusqanta mana kasukuspan waj nacionkunamanta warmikunawan casarakurqan, chay warmikunataq Salomonta tanqarqanku waj dioskunata yupaychananpaq. Chaymi Jehová Diosqa Salomonpaq sinchita phiñakurqan.

    • Neh. 13:​23-27. Jehová Dios jinan Nehemiaspas sinchita phiñakurqan wakin Israel runakuna Diosta mana serviq warmikunawan casarakusqankumanta, chaymi paykunata anyarqan wanachirqan ima.

¿Imanaqtinmi allinpuni Jehová Diosta tukuy sonqonwan serviq iñiqmasiwan casarakuy?

Prov. 18:22; 31:​10, 28

Qhawallaytaq Efes. 5:​28-31, 33 textokunata.

  • Kay textokunan chaymanta rimashallantaq:

    • 1 Sam. 25:​2, 3, 14-17. Abigailpa qosan Nabalqa qhapaq runan karqan, ichaqa mana khuyapayakuq millay runan karqan.

    • Prov. 21:9. Mana allinta piensaykuspa piwanpas casarakuqqa sinchi llakikunapin tarikunqa, manataqmi kusisqachu kanqapas.

    • Rom. 7:2. Apóstol Pablon willarqan juj warmi casarakuspaqa qosanpa kamachinpi kapusqanta; chaymi casarakuyta munaq warmiqa allinta qhawarinan piwanchus casarakunqa chayta.

Imatan ruwana manaraq casarakushaspa

¿Imaraykun casarakuyta munaq hermano allinta qhawarikunan esposanta wawankunatapas manteneyta atinqachus manachus chayta?

1 Tim. 5:8

  • Kay textokunan chaymanta rimashallantaq:

    • Prov. 24:27. Juj hermanoqa manaraq casarakushaspan rikuchinanña allin llank’aq kasqanta, chhaynapin esposantapas wawankunatapas manteneyta atinqa.

Rijch’aynillankuta qhawanakunankumantaqa, ¿imaraykun jujkunamanta consejota mañakunanku, allintataq reqsinanku parejankuta?

Prov. 13:10; 1 Ped. 3:​3-6

  • Kay textokunan chaymanta rimashallantaq:

    • Rut 2:​4-7, 10-12. Boazqa allintan Rut-ta reqsirqan, rikurqanmi allin llank’aq warmi kasqanta, Jehová Dios munakusqanta, suegran Noemita sumaqta yanapasqantapas. Chaymantapas Rutmanta allinta rimasqankutan uyarirqan.

    • Rut 2:​8, 9, 20. Rutqa allintan Boazta reqsirqan, rikurqanmi khuyapayakuq sumaq sonqo kasqanta, Jehová Diosta munakusqantapas.

¿Imaraykun Jehová Dios munan reqsinakushaq iñiqmasikuna ama ima qhelli juchamanpas urmanankuta?

Gál. 5:19; Col. 3:5; 1 Tes. 4:4

  • Kay textokunan chaymanta rimashallantaq:

    • Prov. 5:​18, 19. Warmi-qhari jina munanakuyqa casarasqakunallapaqmi.

    • Can. 1:2; 2:6. Sulamitawan munakuqnin waynawanqa reqsinakushaspankuqa respetowanmi munanakusqankuta rikuchinakurqanku.

    • Can. 4:12; 8:​8-10. Sulamitaqa ch’uya kausayniyoqmi karqan, yacharqanmi respetachikuyta, chaymi Bibliapi payta rijch’anachikun wisq’asqa huertawan.

¿Imaraykun iñiqmasikuna autoridadkunaq ñaupanpi casarakunanku?

Mat. 22:21; Rom. 13:1; Tito 3:1

Qosakunaq ruwanan

¿Imakunatan Jehová Dios qosakunamanta nin?

Efes. 5:​23, 25, 28-31, 33

¿Pi jinan familiankuta umalliq qosakuna kananku?

1 Cor. 11:3; Efes. 5:23

¿Imaynatan qosakuna esposanku munakusqankuta rikuchinanku, imayna sientekusqankutapas entiendenanku?

Col. 3:19; 1 Ped. 3:7

  • Kay textokunan chaymanta rimashallantaq:

    • Gén. 21:​8-12. Abrahanqa manan allinpaqchu qhawarirqan esposanpa nisqanta, Jehová Diosmi ichaqa payta nirqan: “Kasukullay imatachus Sara nisqasuykita”, nispa.

    • Prov. 31:​10, 11, 16, 28. Allin qosaqa manan esposanta controlanchu, nitaqmi imapi pantasqantachu qhawashan, aswanpas confianmi esposanpi, allinkunata ruwasqanmantataq felicitan.

    • Efes. 5:33. Esposakunaqa munasqa kaytan munanku, chaytan apóstol Pablo willarqan.

Esposakunaq ruwanan

¿Ima ruwaykunatan Jehová Dios esposakunaman qorqan?

Gén. 2:18; Col. 3:18; Tito 2:​4, 5

¿Pisichanchu warmikunata imatachus ruwanankumanta Bibliapi nisqan?

Gén. 1:​26-28, 31; 2:18

  • Kay textokunan chaymanta rimashallantaq:

    • Prov. 1:8; 1 Cor. 7:4. Esposakunapas mamakunapas imaymana ruwanayoqmi familia ukhupi kanku, chaykunamanta jujninqa wawankuta yachachiymi.

    • 1 Cor. 11:3. Apóstol Pablon willarqan llapapas umalliqniyoq kasqanchista, Jehová Diosllan manaqa.

    • Heb. 13:​7, 17. Qharikunapas warmikunapas llapallankun iñiq t’aqapi umalliqkunata kasunanku yanapakunanku ima.

¿Imakunata ruwaspan mana iñiq runawan casarasqa hermana Jehová Diosta kusichinman?

1 Cor. 7:​13-16; 1 Ped. 3:​1, 2

¿Imanaqtinmi cristiana esposakuna qosankuta respetananku?

Efes. 5:33

  • Kay textokunan chaymanta rimashallantaq:

¿Imayna esposatan Bibliapi jatunchakun?

Prov. 19:14; 31:​10, 13-31

  • Kay textokunan chaymanta rimashallantaq:

    • Gén. 24:​62-67. Isaacqa llakisqan kasharqan mamanpa wañupusqanwan, jinan Rebecaqa qosan Isaacta sumaqta kallpacharqan.

    • 1 Sam. 25:​14-24, 32-38. Abigailpa qosan Nabalmi millayta Davidmanta rimarqan, jinan Davidqa Nabaltapas runankunatapas wañuchiyta munarqan, chayta yacharuspan Abigailqa Davidpa ñaupaqenpi qonqorikuspa valekurqan ama pitapas wañuchinanpaq.

    • Est. 4:​6-17; 5:​1-8; 7:​1-6; 8:​3-6. Reina Esterqa kausayninta peligroman churasparaqmi reypa qayllanman iskay kutipi jaykurqan Diospa llaqtanta salvananpaq.

Imaynatan ima sasachaytapas allichananku

¿Ima yachachikuykunan casarasqa warmi-qharita yanapanman ima sasachakuytapas allichanankupaq?

1 Cor. 13:​4-8; Efes. 5:33; Col. 3:​12-14

¿Ima yachachikuykunan casarasqa warmi-qharita yanapanman ama qolqe sonqo kanankupaq?

Luc. 12:15; Filip. 4:5; 1 Tim. 6:​9, 10; Heb. 13:5

Qhawallaytaq “Qolqemanta” nisqata.

¿Ima yachachikuykunan casarasqa warmi-qharita yanapanman familiankuwan ima sasachaypipas tarikuqtinku sumaqllata allichanankupaq?

Sal. 34:14; Mat. 19:​5, 6; 1 Cor. 13:​4, 5

¿Ima yachachikuykunan casarasqa warmi-qharita yanapanman allin yuyaywan warmi-qhari puñuyninkuta qhawarinankupaq?

Prov. 5:​15-20; Mat. 5:​27, 28; 1 Cor. 7:​3-5; 10:24; Filip. 2:4; Heb. 13:4

¿Imaraykun casarasqakuna parejankuq allinkuna ruwasqankuta astawan qhawananku?

Sal. 103:14; 130:​3, 4; Prov. 17:9; 1 Ped. 4:8

¿Imaraykun casarasqakuna ima sasachakuyninkutapas usqhaylla allichananku?

Sal. 37:8; Prov. 14:29; Efes. 4:​26, 27; Sant. 1:​19, 20

¿Imaraykun casarasqakuna mana jayk’aqpas k’araq simikunawan rimanakunankuchu, nitaq maqanakunankupaschu?

Sal. 11:5; Gál. 5:​19-21; Efes. 4:​31, 32; Tito 3:2

Phiñachinakuypi tarikuspanku, ¿imatan qosapas esposapas astawanqa ruwananku?

Sal. 34:14; Mat. 5:9; Rom. 12:​17, 18, 21

¿Ima bendicionkunatan casarasqakuna chaskinqaku Jehová Dios serviyta ñaupaqman churaqtinku?

Ecl. 4:​9-12

Casarakuymanta Bibliapi kamachikuykuna

¿Imaninmi Bibliapi casarakuymanta warmi-qhari puñuymantapas?

Prov. 6:32; Mat. 5:​27, 28; 1 Cor. 6:​9, 10; Heb. 13:4

¿Imaynatan cristianokuna qhawarinanku askha warmiyoq otaq askha qhariyoq kayta?

Mat. 19:​8, 9; 1 Cor. 7:2; 1 Tim. 3:​2, 12

¿Imaraykun juj warmi juj qharillawan casarakunan qharipas juj warmillawan casarakunan?

Gén. 2:​18, 22, 24; Mat. 19:​4-6; Rom. 1:​23-27

¿Imaraykun qosapas esposapas wañunankukama kuskalla kananku?

Mar. 10:​6-9; Rom. 7:​2, 3; 1 Cor. 7:​10, 11

Bibliaq nisqanman jina, ¿imaraykullan pipas divorciakuyta atinman?

Mat. 5:32; 19:9

¿Imaynatan Jehová Dios qhawarin imaraykullapas divorciakuyta?

Mal. 2:​13-16

¿Pipas jujmanta casarakuyta atinmanchu parejan wañukapuqtin?

Rom. 7:​2, 3; 1 Cor. 7:39

 

Astawan yachanaykipaq

¡RIJCH’ARIY!

Kusisqa familiakuna: Yanapanakuspan imatapas ruwanaykichis

¿Sumaqtachu qosaykiwan otaq esposaykiwan kausanki, icha solteropas kawaqchis jinachu munasqaykichista ruwankichis?

NOQAYKUMANTA

¿Munawaqchu wasiykiman jamunaykuta?

Bibliaq yachachisqanta astawan t’aqwiriy otaq Jehová Diospa testigonkunamanta astawan yachay

ALLINTA KAUSANAPAQ BIBLIAPI YANAPAYKUNA

Casarakuymanta

quechua (Cusco)
Casarakuymanta
https://assetsnffrgf-a.akamaihd.net/assets/ct/2208d1720a/images/syn_placeholder_sqr.png
scl 19-23 paginakuna
ORQONAYKIPAQ
Casarakuymanta
Kaypi qelqakunatan copiawaq Allinta kausanapaq Bibliapi yanapaykuna