Salmos 37:1-40

  • Jehová Diospi confiaqkunaqa allillan kanankumanta

    • “Aman mana allin runakunawanqa phiñakunkichu” (1)

    • “Jehová Dioswan anchata kusikuy” (4)

    • “Jehová Dioswan pusachikuy” (5)

    • “Llamp’u sonqokunan ichaqa kay jallp’ata jap’ikapunqaku” (11)

    • Chanin runaq t’antan mana pisinanmanta (25)

    • Chanin runakuna kay jallp’api wiñaypaq tiyanankumanta (29)

Davidpa takin. א [álef]* 37  Aman mana allin runakunawanqa phiñakunkichu,*aman mana allin ruwaqkunatapas envidiakunkichu.+   Paykunaqa qora jinan naq’epunqaku,+q’omer pasto jinan ch’akipunqaku. ב [bet]   Jehová Diosmanta jap’ipakuy, allin kaqta ruway,+thajlla kay pachapi* kausakuy, llapapaq junt’aq sonqo kay.+   Jehová Dioswan anchata kusikuy,payqa sonqoykiq munasqankunatan qosunki. ג [guímel]   Jehová Dioswan pusachikuy,+ paypi confiay,qanraykun payqa imatapas ruwanqa.+   Allin ruwayniykitan pacha illarimuyta jinaraq k’ancharichinqa,chanin kayniykitataq chaupi p’unchay intita jinataraq k’ancharichinqa. ד [dálet]   Jehová Diospa ñaupanpi ch’inlla kay,+pacienciallawan payta suyakuy. Aman phiñakunkichu mana allin runawanqa,aman phiñakunkichu imachus yuyaykusqan allin lloqsiqtinpas.+ ה [he]   Colerayta saqepuy, k’araq phiñakuyta wijch’upuy.+ Ama phiñakuychu, paqtapas mana allinta ruwawaq.*   Millay runakunaqa chinkachisqan kanqaku,+Jehová Diospi suyakuqkunan ichaqa kay jallp’ata jap’ikapunqaku.+ ו [waw] 10  Pisi tiempomantaqa chinkapullanqan millay runakunaqa;+maypichus kasharqanku chaytan qhawarinki,ichaqa manañan chaypiñachu kapunqaku.+ 11  Llamp’u sonqokunan ichaqa kay jallp’ata jap’ikapunqaku,+chaypin may kusisqa, thaj nisqa tiyapunqaku.+ ז [zayin] 12  Millay runakunaqa chanin runakuna contran imaymanata ruwanku,+paykuna contran kanipakunkuraq, k’utupakunkuraq. 13  Jehová Diosmi ichaqa asikushan paykunamanta,payqa yachanmi chay runakunaq tukukuynin chayamunanta.+ ח [jet] 14  Millay runakunaqa pisichasqa runakuna contran espadankuta orqonku,wajchakuna contran flechana arconkuta chutanku,chanin ñanpi puriqkunata wañuchinankupaqmi chaykunata orqonku. 15  Espadankuqa sonqollankumantaqmi jaykunqa,+flechana arconkupas lliumi p’akisqa kanqa. ט [tet] 16  Millay runakunaq askha kaqninmantaqa,chanin runaq pisi kaqninmi aswan allinqa.+ 17  Millay runakunaq atiyninqa tukuchisqan kanqa,chanin runakunatan ichaqa Jehová Dios yanapanqa. י [yod] 18  Jehová Diosqa yachanmi ch’uya runakuna imakunapichus tarikusqankutaqa;paykunaq herencianqa wiñaypaqmi kanqa.+ 19  Sasa tiempokunapiqa manan p’enqaypichu tarikunqaku,yarqay tiempopipas askha mijunayoqmi kanqaku. כ [kaf] 20  Millay runakunan ichaqa ch’usaqman tukupunqaku.+ Jehová Diospa enemigonkunaqa q’omer pasto jinan chinkapunqaku,q’osñi jinan ch’usaqman tukupunqaku. ל [lámed] 21  Millay runaqa mañakunmi, manataq kutichipunchu,chanin runan ichaqa mana mich’akuspa qoykun.*+ 22  Diospa bendecisqan runakunaqa kay jallp’atan jap’ikapunqaku,Diospa ñakasqan runakunan ichaqa chinkachisqa kanqaku.+ מ [mem] 23  Pipas Diospa sonqonta kusichin chayqa,+Jehová Diosmi payta pusan.*+ 24  Wijch’ukunqaña chaypas manan pampallapichu kanqa,+Jehová Diosmi paytaqa makinmanta jap’ishan aysarinanpaq.+ נ [nun] 25  Waynan karqani, kunantaq machuña kapuni,ichaqa manan jayk’aqpas rikurqanichu chanin runata qonqasqataqa,+manan rikurqanichu wawankuna mijunata* mañapakushaqtapas.+ 26  Aswanmi payqa mana mich’akuspa mañan,+wawankunapas bendecisqan kanqaku. ס [sámekh] 27  Mana allin kaqmanta t’aqakuy, allin kaqta ruway,+chayta ruwaspaqa wiñaypaqmi kausanki. 28  Jehová Diosqa chanin kaqtan munakun,manan saqenqachu tukuy sonqowan serviqninkunataqa.+ ע [ayin] Paykunaqa pakaykusqapunin kanqaku;+millay runakunaq mirayninmi ichaqa tukuchisqa kanqa.+ 29  Chanin runakunan kay jallp’ataqa jap’ikapunqaku,+paykunan wiñaypaq chaypi tiyanqaku.+ פ [pe] 30  Chanin runaqa yachaywanmi riman,*siminqa chanin kaq ruwaymantan riman.+ 31  Payqa sonqonpin Diospa kamachikuyninta apan.+ Mana iskayaspan Diospa kamachikuyninta junt’an.+ צ [sadé] 32  Millay runaqa chanin runatan suyapan,*wañuchiytan munan. 33  Jehová Diosqa manan jap’ichinqachu,+juzgasqa kaqtinpas manan paytaqa juchachanqachu.+ ק [qof] 34  Jehová Diospi suyakuy, paypa ñannillanpi puriy,jinan payqa jatunchasunki, kay jallp’atataq jap’ikapunki. Rikunkipunin+ millay runakunaq chinkachisqa kasqantaqa.+ ר [resh] 35  Millay runatan rikurqani sach’a jina wiñashaqta,maypichus wiñasqanpi k’allmasapa sach’a jina mast’arikushaqta.+ 36  Ichaqa qonqayllan chinkapurqan,+maskharqanin manataq tarirqanichu.+ ש [shin] 37  Allinta qhaway ch’uya kausaq runata,mana chinkachispa qhaway chanin runata,+payqa thajllan kausanqa, sumaqtan kausanqa.+ 38  Juchasapa runakunaqa ch’usaqyachisqan kanqaku,millay runakunapas mana ima suyakuyniyoqmi kanqaku.+ ת [taw] 39  Chanin runakunataqa Jehová Diosmi salvanqa,+payqa llakikuy tiempopi pakakuna perqa jinan.+ 40  Jehová Diosmi paykunataqa yanapanqa, paymi libranqa.+ Mana allin runakunamantan libranqa, paykunamantan kacharichinqa,paypi pakakusqankuraykun kacharichinqa.+

Uraypi willakuykuna

Kaypi takikunaqa hebreo rimaypi abecedarioman jinan armasqa kashan.
Chaypiqa “colerankichu” nillanmantaqmi.
Chaypiqa “kay jallp’api” nillanmantaqmi.
Chaypiqa yaqapaschá “chayqa mana allinkunallatan paqarichin” nillanmantaq.
Chaypiqa “khuyapayan” nillanmantaqmi.
Chaypiqa “qaqata sayachin” nillanmantaqmi.
Hebreo rimaypiqa “t’antata” ninmi.
Chaypiqa “llamp’u simillawanmi riman” nillanmantaqmi.
Suyapaytaqa “suyaykuy” nillankutaqmi.