Proverbios 19:1-29

  • Allin reparaq kayqa phiñakuyta jark’asqanmanta (11)

  • Rimapakuq esposaqa sut’uq wasi jina kasqanmanta (13)

  • Allin yuyayniyoq esposaqa Jehová Diosmanta jamusqanmanta (14)

  • Tiempo kashaqtinraq wawata wanachinamanta (18)

  • Yuyaychaykunata uyarikuqqa yachayniyoq kapunanmanta (20)

19  Aswan allinqa chanin kaqta ruwaspa wajcha kaymi,+mana yuyayniyoq kaspa llullakuymantaqa.+   Manan allinchu kanman runaman yachay faltanman chayqa,+mana allinta piensaykuspa ruwaqqa* juchallikunmi.   Runataqa mana yuyayniyoq kaynillantaqmi mana allin ñanninta apan,chaymantataq sonqonqa Jehová Diospaq sinchita phiñakun.   Qhapaq kayqa askha amigokunatan tarichin,wajchatan ichaqa amigonpas saqepunqa.+   Llulla testigoqa castigasqapunin kanqa,+sapa kuti rimarispa llullakuqpas manan ayqenqachu.+   Askhan llunk’upayanku juj kamachikuqtaqa,regalokunata qoqwanmi lliupas amigota ruwanku.   Wajchataqa wayqenkunapas cheqnikunkutaq chayqa,+¡astawanraqchá amigonkunaqa cheqnikunqaku!+ Payqa rogakuspan qatipakun, ichaqa manan mayqenpas uyarinchu.   Allin yuyayta tariqqa pay kikintan munakun,+allin reparaq kayta sonqonpi jap’ikuqqa allin kaqtan tarinqa.+   Llulla testigoqa castigasqapunin kanqa,sapa kuti rimarispa llullakuqpas wañunqan.+ 10  Qhapaq jina kausayqa manan mana yuyayniyoqpaqchu. ¡Autoridadkunata kamachiypas manan serviqkunapaqchu!+ 11  Allin reparaq kayninmi runaq phiñakuynintaqa jark’an,+may munaymi k’amisqawan mana phiñakusqanqa.+ 12  Reypa k’araq phiñakuyninqa leonpa qaparisqan jinan,+sumaq qhawariyninmi ichaqa plantakuna patapi sulla* jina. 13  Uma muyu churiqa taytantan sasachakuyman churan,+rimapakuq esposapas ichara wasi jinan, sut’uq wasi jinan.+ 14  Wasipas qhapaq kaypas tayta-mamamantan jamun,allin yuyayniyoq esposan ichaqa Jehová Diosmanta jamun.+ 15  Qellakuyqa misk’i puñuywanmi aysachikun,qella runaqa yarqaypin tarikunqa.+ 16  Kamachikuykunata junt’aqqa kausaynintan waqaychan,+imayna purisqanta mana qhawakuqqa wañunqan.+ 17  Wajcha* runata yanapaqqa Jehová Diosmanmi manushan,+paymi chay ruwasqanmanta kutichipunqa.*+ 18  Wawaykita wanachiy tiempo kashaqtinraq,+ama wañunanmanta juchayoq kaychu.*+ 19  Millay genioyoq runaqa castigasqan kanqa,librayta munanki chayqa askha kutitan chayta ruwanayki kanqa.+ 20  Yuyaychayta uyarikuy, wanachiytapas chaskikuy,+chhaynapin yachayniyoq kapunki.+ 21  Imaymana ruwaymi runaq sonqonpiqa kashan,Jehová Diospa munayninmi* ichaqa junt’akunqa.+ 22  May munaymi mana tukukuq munakuyninta* runaq rikuchisqanqa,+aswan allinqa wajcha kaymi llulla kaymantaqa. 23  Jehová Diosta manchakuyqa kausaymanmi apan,+payta manchakuqqa misk’itan puñukunqa, manan imatapas manchakunqachu.+ 24  Qella runaqa mijuna p’ukumanmi makinta winaykun,ichaqa siminman mijuna apaytapas qellakunmi.+ 25  Burlakuq runata waqtay,+ chhaynapin mana yuyayniyoq runaqa allin yuyayniyoq kapunqa,+entiendeq runata anyay, jinan aswan yachayniyoq kapunqa.+ 26  Taytanta ñak’arichiqqa, mamantapas qarqoqqap’enqayta, sinchi mana allinta ruwaq churin.+ 27  Churilláy, anyaytachus mana uyarikunki chayqa,allin yachayniyoq kaymantan t’aqakapunki. 28  Mana valeq testigoqa chanin kaqtan pisichan,+millay runapaqqa mana allin kaqmi sumaq mijuna jina.+ 29  Juchachayqa burlakuqkunapaqmi waqaychasqa kashan,+jasut’ipas mana yuyayniyoqkunaq wasanpaqmi waqaychasqa kashan.+

Uraypi willakuykuna

Hebreo rimaypiqa “chakinwan usqhaylla puririqqa” ninmi.
Sullataqa “chhulla” nillankutaqmi.
Chaypiqa “pagapunqa” nillanmantaqmi.
Wajchataqa “pobre” nillankutaqmi.
Chaypiqa “ama wañunanta munaychu” nillanmantaqmi.
Chaypiqa “yuyaychasqanmi” nillanmantaqmi.
Qhaway Explicasqa simikuna nisqapi “Mana tukukuq munakuy” nisqata.