Señor Jesuspa wañupusqanta yuyarisun
Chayqa 2024 wata, Domingo 24 Marzotan aparikunqa
Jehová Diospa testigonkunaqa sapa watanmi juj kutita Señor Jesuspa wañupusqanta yuyariyku. Paypa kamachisqanta kasukuspan chayta ruwayku. Paymi nirqan: “Kaytaqa ruwallankichispunin noqata yuyariwanaykichispaq”, nispa (Lucas 22:19).
Invitaykikun chayman rinaykipaq.
Yaqapaschá tapukushanki:
¿Jayk’a horataq kanqari?
Chayqa yaqa juj hora jinallan kanqa.
¿Maypitaq kanqari?
Chaytaqa Jehová Diospa testigonkunan willasunkiku.
¿Jayk’ataq entradari?
Manan cobraykuchu, gratisllan.
¿Mañanqakuchu diesmota?
Manan. Jehová Diospa testigonkunaqa manan diesmotaqa mañaykuchu.
¿Imayna p’achayoqtaq chaymanri rinku?
Manan juj clase p’achallayoqchu chaymanqa rinku, Jehová Diospa testigonkunaqa Bibliapi nisqanman jinan allin jap’iq p’achawan churakuyku (1 Timoteo 2:9). Chayqa manan askha qolqewan valeq p’achachu kanan.
¿Imatataq chaypiri ruwakunqa?
Qallarinapaqqa juj takitan takikun, chaymantataq juj hermano llapa juñunasqakunapaq Diosmanta mañakun. Tukunapaqpas kaqtan ruwakullantaq. Chay juñukuypiqa astawanqa yuyarikun imaraykuchus Señor Jesús wañurqan chaytan. Chaypin explicakullantaq imaynapis Jesuspa llapa ima ruwasqanpas jinallataq Jehová Diospa ruwasqanpas allinninchispaq chayta.
Sichus chay juñunakuymanta astawan yachayta munanki chayqa, leey “¿Imanaqtinmi Testigokuna juj religionkunamanta jujnirayta ruwanku Señorpa cenanta?” nisqa yachachikuyta.
Astawan yachanaykipaq
JESUSPA WAÑUPUSQANTA YUYARINAPAQ
Jesuspa wañupusqanta yuyarisun
Tukuy sonqowan invitaykiku noqaykuwan kuska yuyarinaykipaq. Chaypin yachanki Jesuspa wañupusqan allinniykipaq kasqanta.
BIBLIAMANTA YACHACHIKUYKUNA
¿Imaraykun wañuran Jesús?
Uyarirankichá “Jesusqa juchanchisraykun wañuran” nispa nisqankuta. ¿Imaynapin juj runallaq wañusqan llapa runata yanapanman?