Proverbios 6:1-35

  • Ama comunta garantizaymanta (1-5)

  • “Qella runa, phaway sisimanta yachamuy” (6-11)

  • Mana valeq runamanta millay runamantawan (12-15)

  • Qanchis ruwaykunata Jehová Dios cheqnikusqanmanta (16-19)

  • Millay warmimanta cuidakunamanta (20-35)

6  Churilláy, runamasiykitachus garantizarqanki chayqa,+mana reqsisqawanchus rimanakurqanki chayqa,*+   promesa ruwasqaykiwanchus watachikurqanki,simiykiq rimasqallanwantaqchus watachikurqanki chayqa,+   runamasiykiq makinmanmi urmarqanki. Churilláy, kacharichikunaykipaq kayta ruway: Runamasiykiqta riy, jinaspa k’umuykuspa rogakamuy.+   Ama puñuychu,ama ñawiykikunaq ch’illminanta dejaychu.   Jap’iqpa makinmanta gacela taruka jina kacharichikuy,jap’iqpa makinmanta urpi jina kacharichikuy.   Yau qella runa,+ phaway sisimanta* yachamuy,qhawamuy imachus ruwasqanta jinaspa yachayta tariy.   Sisiqqa manaña kanchu comandanten ni umallin ni kamachiqnin chaypas,   q’oñi tiempopin mijunanta waqaychan,+cosecha tiempopin mijunanta juñun.   Yau qella runa, ¿jayk’aqkaman chaypi kumparayanki? ¿Jayk’aqmi puñusqaykimanta rijch’arinki? 10  Qanqa nishankin: “Chhikallantawan puñurisaq, chhikallantawan ch’illmirisaq,chhikallantawan makiyta oqllaykuspa samarisaq”,+ nispa. 11  Wajchayayniykiqa* suwa jinan jamunqa,pisichikuyniykipas allin armasqa runa jinan chayamunqa.+ 12  Mana valeq runaqa, millay runaqa llulla simikunata rimaspan purin.+ 13  Ñawintan ch’illmin,+ chakinkunatan kuyuchin, dedonkunawanmi señalan. 14  Millay sonqoyoq kaspan mana allinkunallata yuyaykun,+cheqninakuyllatan sayarichin.+ 15  Chayraykun sasachakuyninqa qonqaylla chayamunqa. Juj ratullapin ñut’usqa kanqa, manataqmi ima ruwaytapas atikunqañachu.+ 16  Soqta ruwaykunatan Jehová Diosqa cheqnikun. Arí, qanchis ruwaykunatan payqa millakun: 17  jatunchakuq ñawita,+ llullakuq qalluta,+mana juchayoq runaq yawarnin jich’aq makita,+ 18  mana allin kaqta ruwanapaq yuyaykuq sonqota,+mana allin ruwayman phawaq chakita, 19  sapa kuti llullakuspa testigayta,+wayqentinta cheqninachiyta+ ima. 20  Churilláy, kasukuy taytaykiq kamachikuyninta,ama qonqaychu mamaykiq yachachisqasuykita.+ 21  Sonqoykipi chaykunata jap’ikuy,kunkaykiman walqaykuy. 22  Chaykunaqa puriqtiykin pusasunki,puñuqtiykin waqaychasunki,rijch’ariqtiykin rimapayasunki.* 23  Kamachikuykunaqa mechero* jinan,+leykunaqa k’anchay jinan.+ Anyaykuypas wanachiypas kausayman apaq ñan jinan.+ 24  Millay warmimantan pakaykusunki,+qhelli kausaypi puriq warmiq* misk’i rimayninmantan pakaykusunki.+ 25  Ama sumaq rijch’ayninta sonqoykipi munapayaychu,+amataq munay ñawinkunawanpas sonqoykita suwachikuychu. 26  Ramera warmiqa mana imayoqtan* qharita sayarichin,+jujwan pantaq warmiqa runaq ancha valorniyoq vidantan qechun. 27  ¿Pipas atinmanchu p’achanta mana ruphachikuspalla raurashaq sansata qhasqonman* churaykuyta?+ 28  ¿Pipas chakinta mana ruphachikuspalla sansa patanta puriyta atinmanchu? 29  ¿Pipas runamasinpa esposanwan puñuspa mana castigasqa kanmanchu? Chayta ruwaqqa castigasqapunin kanqa.+ 30  Yarqaypichus pipas suwakun chayqa,runakunaqa manan paytaqa pisichankuchu. 31  Jap’ichikuspan ichaqa qanchis kutitawanraq kutichipunan kanqa,wasinpi kaq llapa valorniyoq cosasninkunatan entregapunan kanqa.+ 32  Juj warmiwan pantaqqa mana yuyayniyoq runan,chayta ruwaqqa pay kikillantaqmi ñak’ariyman churakun.+ 33  K’irisqan pisichasqan tarikunqa,+pisichasqa kayninqa manan jayk’aqpas chinkanqachu.+ 34  Celosakuspan qosaqa k’araqta phiñakunqa,mana khuyapayaspan vengakunqa.+ 35  Manan ima jaywasqatapas chaskinqachu,manan ancha valorniyoq regalotapas chaskinqachu,payqa phiñasqallapunin kashanqa.

Uraypi willakuykuna

Hebreo rimaypiqa “mana reqsisqamanchus makiykita jaywarirqanki chayqa” ninmi.
Sisitaqa “k’isimira” nillankutaqmi.
Wajchataqa “pobre” nillankutaqmi.
Chaypiqa “yachachisunki” nillanmantaqmi.
Chaypiqa “lámpara” nillanmantaqmi.
Qhaway Pr 2:16 textopi qhelli kausaypi puriq warmimanta willakuyta.
Hebreo rimaypiqa “phasmi t’antallayoqtan” ninmi.
Qhasqotaqa “pecho” nillankutaqmi.