MINISTERYO TAN BILAY–WORKBOOK Agosto 2017
Pangaligan Iran Presentasyon
Pangaligan iran presentasyon parad Onliing! tan diad pangibangat ed katuaan nipaakar ed no akin ya pinalsa na Dios so too. Usaren iray pangaligan pian makagaway sarilim ya presentasyon.
KAYAMANAN ED SALITA NA DIOS
Tinumangan nen Jehova so Pagano ya Bansa
Tinumangan nen Jehova iray taga Babilonia kayari na 13 taon ya impanakop dad Tiro. Panon ton ipapanengneng so apresasyon tod saray matoor ya pankikimey tan sakripisyo tayo?
BILAY NA KRISTIANO
Ipanengneng Iray Kualidad ya Makapaliket ed Dios—Inkamapaabeba
Akin ya importante so inkamapaabeba? Panon tayon nipanengneng itan? Panon ya makatulong so pikakasi tan say alimbawa nen Jesus pian nipanengneng tayoy inkamapaabeba?
KAYAMANAN ED SALITA NA DIOS
Say Ambelat a Responsabilidad na Managbantay
Responsabilidad na saray managbantay ya pasakbayan so syudad no walay peligro. Antoy labay ya ibaga nen Jehova nen tinuro toy Ezequiel bilang piguratibon managbantay ed Israel?
BILAY NA KRISTIANO
Ipanengneng Iray Kualidad ya Makapaliket ed Dios—Pakpel
Akin ya kaukolan tayon labanan so takot ed too? Akin ya makatulong so panagdalepdep, pikakasi, tan panmatalek ed si Jehova pian nawalaan tayoy pakpel?
KAYAMANAN ED SALITA NA DIOS
Asingger Lan Naderal so Gog na Magog
Nabasa ed Biblia iray nagawa antis tan kayari kaderal na Gog na Magog.
BILAY NA KRISTIANO
Ipanengneng Iray Kualidad ya Makapaliket ed Dios—Pananisia
Singa si Abraham, nepeg tayon ipanengneng so pananisia ed si Jehova anggan diad mairap iray situasyon. Panon tayon napabiskeg so pananisia tan katooran tayo?
KAYAMANAN ED SALITA NA DIOS
No Antoy Naaralan Mo ed Templo ya Anengneng nen Ezequiel ed Pasingawey
Ipapanonot ed sikatayo na templon anengneng nen Ezequiel diad pasingawey so atagey ya estandarte nen Jehova ed dugan panagdayew. Antoy epekto ed sikatayo na sayan pasingawey?
BILAY NA KRISTIANO
Kapigan Ak Makapan-Auxiliary Payunir Lamet?
Sakey ed saray balibalin paraan pian makapangiyapay tayoy bagat a panangidayew et say pan-auxiliary payunir. Kasin napalaknab moy ministeryom diad onian paraan?
