ABESIFAZANA ababili abasesebatsha babezihambela endaweni yamabhizimusi esedolobheni leBaguio ePhilippines. Babona inqola yethu yamabhuku kodwa abazange baye kuyo. Udadewethu okuthiwa nguHelen owayeme eceleni kwayo wabakhangela wabobotheka. Abesifazana labo baqhubeka bezihambela kodwa kabazange bayikhohlwe indlela uHelen abobotheka ngayo.

Bathe sebesebhasini bebuyela endlini babona ibhakane elikhulu ele-jw.org eWolu yoMbuso. Bakhumbula ukuthi babebone ibhakane elinjengalelo enqoleni. Behla ebhasini baya egedini leWolu. Bafika babona uhlelo lwemihlangano yebandla.

Baya emhlanganweni webandla owalandelayo. Bathi bengena eWolu yoMbuso bamangala bebona uHelen. Bahle bakhumbula ukuthi nguye umama lowana owokubobotheka. UHelen uthi: “Ngangingasahlalisekanga ngibabona bengilanda. Ngasengicabanga ukuthi engxenye kukhona engikuphambanisileyo.” Kodwa abesifazana laba bamchasisela ukuthi babeke bambona enqoleni.

Bawukholisa umhlangano futhi bazizwa bekhululekile ukuba phakathi kwabafowethu labodadewethu. Bathi bebona abanye beklina ngemva komhlangano webandla bacela ukubancedisa. Omunye wabo kasahlali ePhilippines kodwa omunye waqalisa ukungena imihlangano yebandla lokufunda iBhayibhili. Ukubobotheka kwanceda sibili!