Mpendwa 7:1-89
-
Ivya upe vya kupeela pa kupeela icikuulwa ca muzilo (1-89)
7 Pa wanda uno Mose wamazile ukupanga icikuulwa ca muzilo,+ wasansileko mafuta+ nu kucisangulula kumwi ni viya vyonsi ivya pa cikuulwa cico, ulambo kumwi ni viya vyonsi+ vya pa ulambo. Lino wasansako mafuta nu kuvisangulula,+
2 intunguluzi zya mu Izlaeli,+ kuli kuti akalamba ya mitundu, yapeezile upe. Intunguluzi kwene zii izya mitundu izyangalilanga yano yalemvile,
3 zyatwazile maceleta 6 aafupilizye kuli Yeova umwali ivya upe, nupya yano ya masaye 12 yatiintanga, cila ntunguluzi ziili zyatwazile iceleta lyonga na cipambasi wenga; nupya yavitwazile pa nkoleelo ya cikuulwa ca muzilo.
4 Lyene Yeova wanenyile Mose ati:
5 “Tola ivintu vino iyaleta, pano vilaaomviwa umu mulimo wa pi tenti lya kupepelapo, nupya uvipeele uku Ina Levi, cila wino ukulingana ni milimo yakwe.”
6 Fwandi Mose watozile maceleta ni ng’ombe nu kupeela ku Ina Levi.
7 Wapeezile maceleta yaili na ya masaye 4 kuli ya mwana Geshoni, kulingana ni vyalondekwanga umu milimo ino yaombanga;+
8 Nupya wapeezile maceleta 4 na ya masaye 8 kuli ya mwana Melali, kulingana ni vyalondekwanga umu milimo ino yaombanga, nupya Itamali mwana Aloni simapepo+ u wangalilanga imilimo iiyo.
9 Lelo ataapeezile icili consi kuli ya mwana Koati pano yene yaombanga milimo ya mu ncende ya muzilo,+ nupya yasendanga ivintu vya muzilo pa viye.+
10 Lyene intunguluzi zyapeezile upe pa wanda uno ulambo wapeelwanga kuli Leza,+ pa wanda kwene uno yasansile mafuta uku ulambo. Lino intunguluzi zyapeezile upe pa nkoleelo ya ulambo,
11 Yeova wanenyile Mose ati: “Cila wanda intunguluzi yonga ilaapeela upe pa wanda wa kupeela ulambo.”
12 Uwapeezile upe pa wanda uwa kutandikilako a Nashoni+ mwana Aminadabu uwa mu mutundu wakwe Yuda.
13 Wapeezile imbale yonga yakwe siuva iyafinyile mashekele* 130, ni imbale yonga ifunkane yakwe siuva iyafinyile mashekele 70 kulingana ni cipimo cakwe shekele icaomviwanga pa ncende ya muzilo,+ mu mbale zyoili mwaziile fulaulo umusuma nupya umusaakanyemo na mafuta pakuti aye upe wa vyakulya;+
14 kapu* wenga wakwe goldi uwafinyile mashekele 10 nupya uwaziilemo ivinunkile;
15 cipambasi wenga, suuku wenga umukalamba, na suuku umunono wenga uwa mwaka onga pakuti viye ilambo lya koca;+
16 imbuzi yonga pakuti iye ilambo lya pa luyembu;+
17 ing’ombe ziili, ya suuku akalamba 5, ya sawe 5, na ya suuku anono 5 aali nu mwaka onga pakuti viye ilambo lya mutende.+ Ukwene ali upe uno Nashoni mwana Aminadabu+ wapeezile.
18 Pa wanda wakwe ciili, Netaneli+ mwana Zuali, intunguluzi ya mutundu wakwe Isakali, wapeezile upe.
19 Wapeezile imbale yonga yakwe siuva isaalale iyafinyile mashekele 130, ni mbale ifunkane yonga yakwe siuva iyafinyile mashekele 70 kulingana ni cipimo cakwe shekele icaomviwanga pa ncende ya muzilo,+ mu mbale zyoili mwaziile fulaulo umusuma nupya umusaakanyemo na mafuta pakuti aye upe wa vyakulya;+
20 kapu wenga wakwe goldi uwafinyile mashekele 10 nupya uwaziilemo ivinunkile;
21 cipambasi wenga, suuku umukalamba wenga, na suuku munono wenga uwa mwaka onga pakuti viye ilambo lya koca;+
22 imbuzi yonga pakuti iye ilambo lya pa luyembu;+
23 ing’ombe ziili, ya suuku akalamba 5, ya sawe 5, na ya suuku anono 5 aali nu mwaka onga pakuti viye ilambo lya mutende.+ Ukwene ali upe uno Netaneli mwana Zuali wapeezile.
24 Pa wanda wakwe citatu, Eliabu+ mwana Heloni, intunguluzi yakwe ya mwana Zebuluni,
25 wapeezile imbale yonga yakwe siuva isaalale iyafinyile mashekele 130, ni mbale ifunkane yonga yakwe siuva iyafinyile mashekele 70 kulingana ni cipimo cakwe shekele icaomviwanga pa ncende ya muzilo,+ mu mbale zyoili mwaziile fulaulo umusuma nupya umusaakanyemo na mafuta pakuti aye upe wa vyakulya;+
26 kapu wenga wakwe goldi uwafinyile mashekele 10 nupya uwaziilemo ivinunkile;
27 cipambasi wenga, suuku umukalamba wenga, na suuku umunono wenga uwa mwaka onga pakuti viye ilambo lya koca;+
28 imbuzi yonga pakuti iye ilambo lya pa luyembu;+
29 ing’ombe ziili, ya suuku akalamba 5, ya sawe 5, na ya suuku anono 5 aali nu mwaka onga pakuti viye ilambo lya mutende.+ Ukwene ali upe uno Eliabu+ mwana Heloni wapeezile.
30 Pa wanda uwalenga 4, Elizuli+ mwana Shedeuli, intunguluzi yakwe ya mwana Lubeni,
31 wapeezile imbale yonga yakwe siuva isaalale iyafinyile mashekele 130, ni mbale ifunkane yonga yakwe siuva iyafinyile mashekele 70 kulingana ni cipimo cakwe shekele icaomviwanga pa ncende ya muzilo,+ mu mbale zyoili mwaziile fulaulo umusuma nupya umusaakanyemo na mafuta pakuti aye upe wa vyakulya;+
32 kapu wenga wakwe goldi uwafinyile mashekele 10 nupya uwaziilemo ivinunkile;
33 cipambasi wenga, suuku umukalamba wenga, na suuku umunono wenga uwa mwaka onga pakuti viye ilambo lya koca;+
34 imbuzi yonga pakuti iye ilambo lya pa luyembu;+
35 ing’ombe ziili, ya suuku akalamba 5, ya sawe 5, na ya suuku anono 5 aali nu mwaka onga pakuti viye ilambo lya mutende.+ Ukwene ali upe uno Elizuli+ mwana Shedeuli wapeezile.
36 Pa wanda uwalenga 5, Shelumieli+ mwana Zulishadai, intunguluzi yakwe ya mwana Simyoni,
37 wapeezile imbale yonga yakwe siuva isaalale iyafinyile mashekele 130, ni mbale ifunkane yonga yakwe siuva iyafinyile mashekele 70 kulingana ni cipimo cakwe shekele icaomviwanga pa ncende ya muzilo,+ mu mbale zyoili mwaziile fulaulo umusuma nupya umusaakanyemo na mafuta pakuti aye upe wa vyakulya;+
38 kapu wenga wakwe goldi uwafinyile mashekele 10 nupya uwaziilemo ivinunkile;
39 cipambasi wenga, suuku umukalamba wenga, na suuku umunono wenga uwa mwaka onga pakuti viye ilambo lya koca;+
40 imbuzi yonga pakuti iye ilambo lya pa luyembu;+
41 ing’ombe ziili, ya suuku akalamba 5, ya sawe 5, na ya suuku anono 5 aali nu mwaka onga pakuti viye ilambo lya mutende.+ Ukwene ali upe uno Shelumieli+ mwana Zulishadai wapeezile.
42 Pa wanda uwalenga 6, Eliyasafu+ mwana Deueli, intunguluzi yakwe ya mwana Gadi,
43 wapeezile imbale yonga yakwe siuva isaalale iyafinyile mashekele 130, ni mbale ifunkane yonga yakwe siuva iyafinyile mashekele 70 kulingana ni cipimo cakwe shekele icaomviwanga pa ncende ya muzilo,+ mu mbale zyoili mwaziile fulaulo umusuma nupya umusaakanyemo na mafuta pakuti aye upe wa vyakulya;+
44 kapu wenga wakwe goldi uwafinyile mashekele 10 nupya uwaziilemo ivinunkile;
45 cipambasi wenga, suuku umukalamba wenga, na suuku umunono wenga uwa mwaka onga pakuti viye ilambo lya koca;+
46 imbuzi yonga pakuti iye ilambo lya pa luyembu;+
47 ing’ombe ziili, ya suuku akalamba 5, ya sawe 5, na ya suuku anono 5 aali nu mwaka onga pakuti viye ilambo lya mutende.+ Ukwene ali upe uno Eliyasafu+ mwana Deueli wapeezile.
48 Pa wanda uwalenga 7, Elishama+ mwana Amiudi, intunguluzi yakwe ya mwana Efulemu,
49 wapeezile imbale yonga yakwe siuva isaalale iyafinyile mashekele 130, ni mbale ifunkane yonga yakwe siuva iyafinyile mashekele 70 kulingana ni cipimo cakwe shekele icaomviwanga pa ncende ya muzilo,+ mu mbale zyoili mwaziile fulaulo umusuma nupya umusaakanyemo na mafuta pakuti aye upe wa vyakulya;+
50 kapu wenga wakwe goldi uwafinyile mashekele 10 nupya uwaziilemo ivinunkile;
51 cipambasi wenga, suuku umukalamba wenga, na suuku umunono wenga uwa mwaka onga pakuti viye ilambo lya koca;+
52 imbuzi yonga pakuti iye ilambo lya pa luyembu;+
53 ing’ombe ziili, ya suuku akalamba 5, ya sawe 5, na ya suuku anono 5 aali nu mwaka onga pakuti viye ilambo lya mutende.+ Ukwene ali upe uno Elishama+ mwana Amiudi wapeezile.
54 Pa wanda uwalenga 8, Gamalieli+ mwana Pedazuli, intunguluzi yakwe ya mwana Manase,
55 wapeezile imbale yonga yakwe siuva isaalale iyafinyile mashekele 130, ni mbale ifunkane yonga yakwe siuva iyafinyile mashekele 70 kulingana ni cipimo cakwe shekele icaomviwanga pa ncende ya muzilo,+ mu mbale zyoili mwaziile fulaulo umusuma nupya umusaakanyemo na mafuta pakuti aye upe wa vyakulya;+
56 kapu wenga wakwe goldi uwafinyile mashekele 10 nupya uwaziilemo ivinunkile;
57 cipambasi wenga, suuku umukalamba wenga, na suuku umunono wenga uwa mwaka onga pakuti viye ilambo lya koca;+
58 imbuzi yonga pakuti iye ilambo lya pa luyembu;+
59 ing’ombe ziili, ya suuku akalamba 5, ya sawe 5, na ya suuku anono 5 aali nu mwaka onga pakuti viye ilambo lya mutende.+ Ukwene ali upe uno Gamalieli+ mwana Pedazuli wapeezile.
60 Pa wanda uwalenga 9, Abidani+ mwana Gidyoni, intunguluzi+ yakwe ya mwana Benjamini,
61 wapeezile imbale yonga yakwe siuva isaalale iyafinyile mashekele 130, ni mbale ifunkane yonga yakwe siuva iyafinyile mashekele 70 kulingana ni cipimo cakwe shekele icaomviwanga pa ncende ya muzilo,+ mu mbale zyoili mwaziile fulaulo umusuma nupya umusaakanyemo na mafuta pakuti aye upe wa vyakulya;+
62 kapu wenga wakwe goldi uwafinyile mashekele 10 nupya uwaziilemo ivinunkile;
63 cipambasi wenga, suuku umukalamba wenga, na suuku umunono wenga uwa mwaka onga pakuti viye ilambo lya koca;+
64 imbuzi yonga pakuti iye ilambo lya pa luyembu;+
65 ing’ombe ziili, ya suuku akalamba 5, ya sawe 5, na ya suuku anono 5 aali nu mwaka onga pakuti viye ilambo lya mutende.+ Ukwene ali upe uno Abidani+ mwana Gidyoni wapeezile.
66 Pa wanda uwalenga 10, Ahieza+ mwana Amishadai, intunguluzi yakwe ya mwana Dani,
67 wapeezile imbale yonga yakwe siuva isaalale iyafinyile mashekele 130, ni mbale ifunkane yonga yakwe siuva iyafinyile mashekele 70 kulingana ni cipimo cakwe shekele icaomviwanga pa ncende ya muzilo,+ mu mbale zyoili mwaziile fulaulo umusuma nupya umusaakanyemo na mafuta pakuti aye upe wa vyakulya;+
68 kapu wenga wakwe goldi uwafinyile mashekele 10 nupya uwaziilemo ivinunkile;
69 cipambasi wenga, suuku umukalamba wenga, na suuku umunono wenga uwa mwaka onga pakuti viye ilambo lya koca;+
70 imbuzi yonga pakuti iye ilambo lya pa luyembu;+
71 ing’ombe ziili, ya suuku akalamba 5, ya sawe 5, na ya suuku anono 5 aali nu mwaka onga pakuti viye ilambo lya mutende.+ Ukwene ali upe uno Ahieza+ mwana Amishadai wapeezile.
72 Pa wanda uwalenga 11, Pagieli+ mwana Okilani, intunguluzi yakwe ya mwana Asheli,
73 wapeezile imbale yonga yakwe siuva isaalale iyafinyile mashekele 130, ni mbale ifunkane yonga yakwe siuva iyafinyile mashekele 70 kulingana ni cipimo cakwe shekele icaomviwanga pa ncende ya muzilo,+ mu mbale zyoili mwaziile fulaulo umusuma nupya umusaakanyemo na mafuta pakuti aye upe wa vyakulya;+
74 kapu wenga wakwe goldi uwafinyile mashekele 10 nupya uwaziilemo ivinunkile;
75 cipambasi wenga, suuku umukalamba wenga, na suuku umunono wenga uwa mwaka onga pakuti viye ilambo lya koca;+
76 imbuzi yonga pakuti iye ilambo lya pa luyembu;+
77 ing’ombe ziili, ya suuku akalamba 5, ya sawe 5, na ya suuku anono 5 aali nu mwaka onga pakuti viye ilambo lya mutende.+ Ukwene ali upe uno Pagieli+ mwana Okilani wapeezile.
78 Pa wanda uwalenga 12, Ahila+ mwana Enani, intunguluzi yakwe ya mwana Nafutali,
79 wapeezile imbale yonga yakwe siuva isaalale iyafinyile mashekele 130, ni mbale ifunkane yonga yakwe siuva iyafinyile mashekele 70 kulingana ni cipimo cakwe shekele icaomviwanga pa ncende ya muzilo,+ mu mbale zyoili mwaziile fulaulo umusuma nupya umusaakanyemo na mafuta pakuti aye upe wa vyakulya;+
80 kapu wenga wakwe goldi uwafinyile mashekele 10 nupya uwaziilemo ivinunkile;
81 cipambasi wenga, suuku umukalamba wenga, na suuku umunono wenga uwa mwaka onga pakuti viye ilambo lya koca;+
82 imbuzi yonga pakuti iye ilambo lya pa luyembu;+
83 ing’ombe ziili, ya suuku akalamba 5, ya sawe 5, na ya suuku anono 5 aali nu mwaka onga pakuti viye ilambo lya mutende.+ Ukwene ali upe uno Ahila+ mwana Enani wapeezile.
84 Ivya upe vino intunguluzi zya mu Izlaeli zyapeezile+ lino ulambo wasansilwe mafuta aevi: imbale zyakwe siuva izisaalale 12, ni mbale zyakwe siuva izifunkane 12, makapu yakwe goldi 12;+
85 cila mbale yonga isaalale yakwe siuva yafinanga mashekele 130 nupya cila mbale yonga ifunkane yakwe siuva yafinanga mashekele 70, imbale zyonsi zyakwe siuva zyafinyile mashekele 2,400 kulingana ni cipimo cakwe shekele icaomviwanga pa ncende ya muzilo;+
86 kapu wenga na wenga wakwe goldi pa makapu 12 aaziilemo ivinunkile wafinanga mashekele 10 kulingana ni cipimo cakwe shekele icaomviwanga pa ncende ya muzilo, makapu yonsi yakwe goldi yafinyile mashekele 120.
87 Ya cipambasi yonsi aapeezilwe ukuya ilambo lya koca yaali 12, ya suuku akalamba 12, ya suuku anono 12 aali nu mwaka onga, alino nu upe wa vyakulya, ni mbuzi 12 ukuya ilambo lya pa luyembu;
88 ya cipambasi yonsi aapeezilwe ukuya ilambo lya mutende yaali 24, ya suuku akalamba 60, ya sawe 60, na ya suuku anono 60 aali nu mwaka onga. Ukwene ali upe uwapeezilwe+ pa cisila cakuti ulambo wasanswa mafuta.+
89 Lyonsi lino Mose wingila umwi tenti lya kupepelapo umu kulanda na Leza,+ uvwanga umwi akulanda nawe ukufuma papela ya ntupiko+ ya mbokosi ya Upangano pakasi kakwe ya kelubi+ yaili; paapa kwene apano Leza walandilanga nawe.
Mafutunoti
^ Shekele wenga angalingana na magilamu 11.4. Lolini Ivyeo na Vyuze pa B14.
^ Nanti “imbale inono.”
