Mpendwa 26:1-65
-
Ukupenda imitundu ya Ina Izlaeli umuku wakwe Ciili (1-65)
26 Pa cisila ca cikuko,+ Yeova wanenyile Mose na Elieza mwana Aloni simapepo ati:
2 “Pendini Aina Izlaeli yonsi ukutandikila pa wa myaka 20 nu kuya papela, kulingana ni ndupwa zyao, mupende yonsi aangaomba usilika umu Izlaeli.”+
3 Fwandi Mose na Elieza+ simapepo yalanzile na Ina Izlaeli umu nyika zya Moabu,+ mupiipi nu Luzi Lwa Yodani pa ncende iyalozyanya na Yeliko,+ yalanzile iyati:
4 “Pendini antu ukutandikila pa ya myaka 20 ukuya papela, wakwe vino Yeova watalanda.”+
Aina Izlaeli aafumile umu Ijipti aeya:
5 Lubeni+ iyeli lyakwe Izlaeli; ya mwana Lubeni aonsi+ aeya: muli Hanoki u mwafumile ulupwa lwa Ina Hanoki; muli Palu u mwafumile ulupwa lwa Ina Palu;
6 muli Heziloni u mwafumile ulupwa lwa Ina Heziloni na muli Kami u mwafumile ulupwa lwa Ina Kami.
7 Zikwene ali ndupwa izyafumile muli Lubeni, nupya aalemvilwe yaali 43,730.+
8 Eliabu wali a mwana Palu.
9 Nupya ya mwana Eliabu yaali a Nemueli, Datani na Abilamu. Datani na Abilamu yaali aonsi aasontwe umu Izlaeli aalwisizye Mose+ na Aloni, nupya yaali pamwi ni umba lyakwe Kola+ lino yalwisizye Yeova.+
10 Lyene umusili walepwike nu kuyamila. Lelo Kola wene wafwilile pamwi na aonsi 250 yano umoto osile.+ Nupya yaya icilangililo ca kucelula+ kuli yauze.
11 Nomba ya mwana Kola yene yataafwile.+
12 Ya mwana Simyoni+ ukulingana ni ndupwa zyao aeya: muli Nemueli u mwafumile ulupwa lwa Ina Nemueli; muli Yamini u mwafumile ulupwa lwa Ina Yamini; muli Yakini u mwafumile ulupwa lwa Ina Yakini;
13 muli Zela u mwafumile ulupwa lwa Ina Zela na muli Shauli u mwafumile ulupwa lwa Ina Shauli.
14 Zikwene ali ndupwa izyafumile muli Simyoni, aalemvilwe yaali: 22,200.+
15 Ya mwana Gadi+ ukulingana ni ndupwa zyao aeya: muli Zefoni u mwafumile ulupwa lwa Ina Zefoni; muli Hagi u mwafumile ulupwa lwa Ina Hagi; muli Shuni u mwafumile ulupwa lwa Ina Shuni;
16 muli Ozini u mwafumile ulupwa lwa Ina Ozini; muli Ele u mwafumile ulupwa lwa Ina Ele;
17 muli Alodi u mwafumile ulupwa lwa Ina Alodi na muli Aleli u mwafumile ulupwa lwa Ina Aleli.
18 Zikwene ali ndupwa izyafumile muli ya mwana Gadi, nupya aalemvilwe yaali 40,500.+
19 Ya mwana Yuda+ yaali a Ere na Onani.+ Lelo Ere na Onani yafwilile umu mpanga ya Kenani.+
20 Nupya ya mwana Yuda ukulingana ni ndupwa zyao aeya: muli Shila+ u mwafumile ulupwa lwa Ina Shila; muli Pelezi+ u mwafumile ulupwa lwa Ina Pelezi na muli Zela+ namo u mwafumile ulupwa lwa Ina Zela.
21 Nupya ya mwana Pelezi aeya: muli Heziloni+ u mwafumile ulupwa lwa Ina Heziloni na muli Hamuli+ u mwafumile ulupwa lwa Ina Hamuli.
22 Zikwene ali ndupwa izyafumile muli Yuda, nupya aalemvilwe yaali 76,500.+
23 Ya mwana Isakali+ ukulingana ni ndupwa zyao aeya: muli Tola+ u mwafumile ulupwa lwa Ina Tola; muli Puva u mwafumile ulupwa lwa Ina Puva;
24 muli Yashubu u mwafumile ulupwa lwa Ina Yashubu na muli Shimuloni u mwafumile ulupwa lwa Ina Shimuloni.
25 Zikwene ali ndupwa izyafumile muli Isakali, nupya aalemvilwe yaali 64,300.+
26 Ya mwana Zebuluni+ ukulingana ni ndupwa zyao aeya: muli Seledi u mwafumile ulupwa lwa Ina Seledi; muli Eloni u mwafumile ulupwa lwa Ina Eloni na muli Yaleeli u mwafumile ulupwa lwa Ina Yaleeli.
27 Zikwene ali ndupwa izyafumile muli Zebuluni, nupya aalemvilwe yaali 60,500.+
28 Ya mwana Jozefu+ ukulingana ni ndupwa zyao aeya: Manase na Efulemu.+
29 Ya mwana Manase+ aeya: muli Makili+ u mwafumile ulupwa lwa Ina Makili; nupya Makili wizile aya a isi wakwe Gilyadi,+ na muli Gilyadi u mwafumile ulupwa lwa Ina Gilyadi.
30 Ya mwana Gilyadi aeya: muli Iezeli u mwafumile ulupwa lwa Ina Iezeli; muli Heleki umwafumile ulupwa lwa Ina Heleki;
31 muli Asilieli u mwafumile ulupwa lwa Ina Asilieli; muli Shekemu u mwafumile ulupwa lwa Ina Shekemu;
32 muli Shemida u mwafumile ulupwa lwa Ina Shemida na muli Hefeli u mwafumile ulupwa lwa Ina Hefeli.
33 Zelofeadi+ mwana Hefeli ataakweti ana aonsi, wakweti sile akazyana,+ na mazina yao aeya: Maala, Nowa, Hogila, Milika na Tiliza.
34 Zikwene ali ndupwa izyafumile muli Manase, nupya aalemvilwe yaali 52,700.+
35 Ya mwana Efulemu+ ukulingana ni ndupwa zyao aeya: muli Shutela+ u mwafumile ulupwa lwa Ina Shutela; muli Bekeli u mwafumile ulupwa lwa Ina Bekeli na muli Tahani u mwafumile ulupwa lwa Ina Tahani.
36 Nupya ya mwana Shutela aeya: muli Elani u mwafumile ulupwa lwa Ina Elani.
37 Zikwene ali ndupwa izyafumile muli ya mwana Efulemu, nupya aalemvilwe yaali 32,500.+ Yakwene ali yano yaali aa mwana Jozefu ukulingana ni ndupwa zyao.
38 Ya mwana Benjamini+ ukulingana ni ndupwa zyao aeya: muli Bela+ u mwafumile ulupwa lwa Ina Bela; muli Ashibeli u mwafumile ulupwa lwa Ina Ashibeli; muli Ahilamu u mwafumile ulupwa lwa Ina Ahilamu;
39 muli Shefufamu* u mwafumile ulupwa lwa Ina Shufamu na muli Hufamu u mwafumile ulupwa lwa Ina Hufamu.
40 Ya mwana Bela a Alidi na Naamani:+ muli Alidi u mwafumile ulupwa lwa Ina Alidi na muli Naamani u mwafumile ulupwa lwa Ina Naamani.
41 Yakwene ali ya mwana Benjamini ukulingana ni ndupwa zyao, nupya aalemvilwe yaali 45,600.+
42 Ya mwana Dani+ ukulingana ni ndupwa zyao aeya: muli Shuamu u mwafumile ulupwa lwa Ina Shuamu. Zikwene ali ndupwa izyafumile muli ya mwana Dani.
43 Aalemvilwe umu ndupwa zyonsi izya Ina Shuamu, yaali 64,400.+
44 Ya mwana Asheli+ ukulingana ni ndupwa zyao aeya: muli Imuna u mwafumile ulupwa lwa Ina Imuna; muli Ishivi u mwafumile ulupwa lwa Ina Ishivi; muli Beliya u mwafumile ulupwa lwa Ina Beliya;
45 ya mwana Beliya aeya: muli Hebeli u mwafumile ulupwa lwa Ina Hebeli na muli Malikieli u mwafumile ulupwa lwa Ina Malikieli.
46 Mwana Asheli umukazyana wali a Sela.
47 Zikwene ali ndupwa zino zyafumile muli ya mwana Asheli, nupya aalemvilwe yaali 53,400.+
48 Ya mwana Nafutali+ ukulingana ni ndupwa zyao aeya: muli Yazeeli u mwafumile ulupwa lwa Ina Yazeeli; muli Guni u mwafumile ulupwa lwa Ina Guni;
49 muli Yezeri u mwafumile ulupwa lwa Ina Yezeri na muli Shilemu u mwafumile ulupwa lwa Ina Shilemu.
50 Zikwene ali ndupwa izyafumile muli ya mwana Nafutali, nupya aalemvilwe yaali 45,400.+
51 Aina Izlaeli yonsi aalemvilwe yaali: 601,730.+
52 Pa cisila Yeova wanenyile Mose ati:
53 “Yakwene ayano uce uwankanye impanga kulingana ni mpendwa ya mazina atiyalembwa.+
54 Indupwa izikweti antu aingi, uce uzipeele impanga ikalamba, nupya indupwa izikweti antu anono, uce uzipeele impanga inono.+ Cila lupwa lulinzile ukupeelwa impanga kulingana ni mpendwa ya yantu atiyalembwa.
55 Nomba pa kwankanya impanga, kufwile kwaya ukupendola.+ Yafwile ukupeelwa impanga ukulingana na mazina ya mitundu ya vikolwe vyao.
56 Cila lupwa pa kulupeela impanga kufwile kwaya ukupendola, luye u lukalamba nanti ulunono.”
57 Aina Levi+ aalemvilwe ukulingana ni ndupwa zyao aeya: muli Geshoni u mwafumile ulupwa lwa Ina Geshoni; muli Koati u mwafumile ulupwa lwa Ina Koati+ na muli Melali u mwafumile ulupwa lwa Ina Melali.
58 Indupwa zya Ina Levi aezi: ulupwa lwa Ina Libini,+ ulupwa lwa Ina Hebuloni,+ ulupwa lwa Ina Maali,+ ulupwa lwa Ina Mushi+ nu lupwa lwa Ina Kola.+
Koati wizile aya a isi wakwe Amulamu.+
59 Muci wakwe Amulamu wali a Yokebedi,+ mwana Levi, wino mamakwe wamuvyaliile umu Ijipti. Nupya Yokebedi wizile avyalila Amulamu ana yaa: Aloni, Mose na Milyamu+ kaci wao.
60 Lyene Aloni wakweti ana yaa: Nadabu, Abihu, Elieza na Itamali.+
61 Lelo Nadabu na Abihu yafwile pa mulandu wa kupeela ivinunkile kuli Yeova+ pa moto utazumiliziwe.
62 Aina Levi yonsi aonsi aalemvilwe, ukutandikila pa ya mwezi onga nu kuya papela+ yaali 23,000. Yene yataalembiilwe pamwi na Ina Izlaeli,+ pano yene yataali nu kupeelwa impanga umu Ina Izlaeli.+
63 Yakwene ali yano Mose na Elieza simapepo yalemvile lino yalembanga Aina Izlaeli mu nyika izya ku Moabu umupiipi nu Luzi Lwa Yodani pa ncende iyalozyanya na Yeliko.
64 Lelo pali yaayo pataali yano Mose na Aloni simapepo yalemvile lino yapendanga Aina Izlaeli umu lwanga lwa Sinai.+
65 Pano Yeova walanzile ukulozya uku yantu yayo ati: “Yalafwila umu lwanga.”+ Fwandi pasi nanti awenga uwasiile suka sile Kalebu mwana Yefune na Yoswa mwana Nuni.+
