Mpendwa 24:1-25
24 Lino Balamu waweni ukuti Yeova watauvwa ningo pa kupaala Aina Izlaeli, ataaile nupya umu kulondelezya ku vya ulozi,+ lelo walozizye manso uku lwanga.
2 Lino Balamu wakatwishe manso nu kulola Aina Izlaeli iyapanga inkambi ukulingana ni mitundu yao,+ umupasi wakwe Leza wizile pali aliwe.+
3 Lyene Balamu walandiile umwi pinda ati:+
“Amazwi yakwe Balamu mwana Beoli,Na mazwi ya muntu uwatayulwa manso,
4 Ivyeo vyakwe wino akuvwa mazwi yakwe Leza,Uwaweni icilolwa cakwe Leza wa Maka Yonsi,Uwafukime ale manso iyayulika:+
5 Iye mwe vino matenti yako yazipa, we Yakobo,Na vino incende zino ukaikalamo we Izlaeli+ zyazipa!
6 Vyaya wa mikonko iyafika ukutali sana,+Vyaya wa vyalo ivyaya mupiipi nu luzi,Vyaya wa miti ino yakaama ukuti aloye ino Yeova walema,Vyaya wa mikedali iyaya umupiipi na manzi.
7 Manzi yakafuma umu mabaketi yaili yakwe Izlaeli,Ni mbezu zyakwe zikakomelwa umu mbali ya manzi aingi.+
Umwene wakwe+ alaya u mukalamba ukucila Agagi,+Nu wene wakwe ulacindamikwa.+
8 Leza akufumya Izlaeli umu Ijipti;Kuli aliwe ali wa mpembe zyakwe cipambasi wa mu mpanga.
Alalya inko, kuli kuti alwani yakwe Izlaeli,+Alakokota mafupa yao, nupya alayavungoola ni nceto.
9 Watalambalala pansi, watalaala wakwe cisama,Waya wakwe cisama, uzye a weni aangamutiinya?
Yano yakakupaala yapaalwa.Na akakutiipwila yatiipwa.”+
10 Lyene Balaki wasokiile sana Balamu, atoota umu minwe ukali ukali nu kumunena ati: “Nakwamile ukuti uwize utiipe alwani yane,+ nomba utayatiifile lelo watuyapaala pa miku itatu.
11 Swilila ukwako likwene. Nalondanga ukukucindamika sana,+ nomba lyene Yeova wakana ukukucindamika.”
12 Balamu wanenyile Balaki ati: “Uzye ntaanenyile antu yano watumile inti,
13 ‘Nanti icakuti Balaki angampeela ing’anda yakwe iizuuzilemo siuva na goldi, ntanga njitandikile ukucita icili consi cino Yeova atanenyile, ciye icisuma nanti iciipe? Uzye ntalanzile inti ndalanda sile vino Yeova alanena’?+
14 Lyene nkuswilila uku yantu yane. Iza nkunene vino antu yaa yalacita uku yantu yako uku nkoleelo.”
15 Lyene walanzile umwi pinda ati:+
“Amazwi yakwe Balamu mwana Beoli,Na mazwi ya muntu wino manso yakwe yayulike,+
16 Amazwi ya muntu aakuvwa izwi lyakwe Leza,Nupya uwamanya Leza wa Papelapela,Waweni icilolwa cakwe Leza wa Maka YonsiAla watafukama na manso yakwe aayulike:
17 Ndamulola, nomba asi likwene;Ndamulema, nomba asi likwene.
Ulutanda+ lulafuma muli Yakobo,Ni ntuwa+ ilafuma kuli Izlaeli.+
Nupya alapandula icipuma cakwe Moabu+Ni cipanga ca yana yonsi aunkalwe.
18 Nupya alatola Edomu ukuya uwakwe,+Seili+ yalamutola uku yalwani yakwe,+Lelo Izlaeli alaya umusipe.
19 Muli Yakobo u mulafuma alaacimvya,+Nupya alonona wensi uwapusuka umu musumba.”
20 Lino waweni Amaleki, watwalilile ukulandila umwi pinda ati:
“Amaleki uwali ali luko lwa kutandikilako,+Nomba pa kushalikizya alononwa.”+
21 Lino waweni Aina Keni+ watwalilile ukulandila umwi pinda ati:
“Ukaikala umucingililwe, incende yako yayela pa ciliwe.
22 Lelo umwi aloca Keni.
Uzye palapita insita itali uli pakuti Aina Asilya yakusende umu uzya?”
23 Nupya watwalilile ukulanda umwi pinda ati:
Kalanda we! Uzye a weni alapusuka lino Leza alacita cii?
24 Vimawato ivikalamba vilafuma uku nkumba yakwe Kitimu,+Nupya vilacuzya Asilya,+Vilacuzya na Ebali.
Lelo nawe kwene alononwa.”
25 Lyene Balamu+ wakatwike nu kuswilila ukwakwe. Balaki nawe kwene wapisile.
