Ang’o ma Muma Wacho?
Be nitie gimoro e i dhano ma dhi nyime gi dak sama otho?
JOMOKO PARO NI sama ng’ato otho to odhi nyime dak ka en e kido machielo, moko to paro ni tho e giko mar ng’ato. In to ineno nade wachno?
GIMA MUMA WACHO
‘Jomotho ok ong’eyo gimoro.’ (Eklesiastes 9:5) Onge gima dhi nyime gi dak e i dhano sama otho.
WECHE MAMOKO MA MUMA PUONJOWA
Jal mokwongo ma ne en Adam nodok e lowo ka ne otho. (Chakruok 2:7; 3:19) Kamano bende, dhano duto dokga e lowo kotho.—Eklesiastes 3:19, 20.
Ji duto ma tho igonyoga kata iweyonegiga richogi. (Jo-Rumi 6:7) Onge kum machielo mar richo mimiyo ng’at mosetho.
Be jomotho nyalo bedo mangima kendo?
INYALO DWOKO NADE?
Ee
Ooyo
Samoro
GIMA MUMA WACHO
“Chier nobedie.” —Tich Joote 24:15.
WECHE MAMOKO MA MUMA PUONJOWA GIN MAGE?
Muma pimo tho gi nindo. (Johana 11:11-14) Nyasaye nyalo chiewo jomotho, mana kaka wan bende wanyalo chiewo ng’at monindo.—Ayub 14:13-15.
Muma wuoyo kuom jomotho mopogore opogore ma ne ochier, kendo mano miyo wabedo gadier ni ibiro chier jomotho.—1 Ruodhi 17:17-24; Luka 7:11-17; Johana 11:39-44.