SULA MAR 28

Go Erokamano Kuom Gima Jehova gi Yesu Notimoni

TUGE

Iwinjoga nade sama osiepni moro omiyi mich moro maber? Onge kiawa ni ibedoga mamor kendo igoyo ne erokamano kuom michno. Jehova gi Yesu nomiyowa mich maberie moloyo duto. Michno en mane, to ere kaka wanyalo nyiso ni wamor gi michno?

1. Achiel kuom yore ma wagoyogo erokamano kuom gima Nyasaye gi Yesu notimonwa en mane?

Muma singonwa ni ‘ng’at ma nyiso yie kuom Yesu’ nyalo dak nyaka chieng’. (Johana 3:16) Nyiso yie tiende en ang’o? Ok en aena wacho awacha ni wayie kuom Yesu. Timbewa bende onego onyis ni wan gi yie. (Jakobo 2:17) Sama wanyiso yie kokalo kuom wechewa kod timbewa, wabedo gi winjruok motegno gi Yesu kod Wuon-gi ma en Jehova.—Som Johana 14:21.

2. En nyasi mane makende ma miyowaga thuolo mar goyo erokamano kuom gima Jehova gi Yesu notimonwa?

E otieno mogik ka Yesu pok otho, nonyiso jolupne yo machielo ma ne ginyalo nyisogo ni gigoyo erokamano kuom misango ma nochiwo. Nochako nyasi moro makende ma Muma luongo ni “Chiemo Modhiambo mar Ruoth,” kata mong’ere kaka Rapar mar Tho Yesu. (1 Jo Korintho 11:20) Yesu nochako nyasino mondo jootene kaachiel gi Jokristo madier duto ma ne dhi biro bang’gi opargo thone. Nowacho kama e wi nyasino: “Sikuru ka utimo ma mondo uparago.” (Luka 22:19) Sama idhi e nyasi miparogo tho Yesu, inyiso maler ni igoyo erokamano kuom hera ma Jehova kod Yesu oherowago.

TIM NONRO

Non yore momedore minyalo nyisogo ni igoyo erokamano kuom hera ma Jehova gi Yesu nonyisowa. Puonjri gimomiyo nyasi miparogo tho Yesu en nyasi makende ahinya.

3. En ang’o ma wanyalo timo mondo wanyis ni wamor gi michno?

Par ane ni ng’ato oresi sama inimo e pi. Be wiyi biro wil awila gi gima ng’atno otimoni? Koso ibiro manyo yore ma inyalo goyonego erokamano nikech gima otimonino?

Jehova e ma omiyowa ngima. Som 1 Johana 4:8-10, kae to uwuo e wi penjo ma luwogi:

Ang’o momiyo misango ma Yesu nochiwo en mich makende?
Ineno nade gima Jehova gi Yesu notimoni?

Ere kaka wanyalo nyiso ni wagoyo erokamano nikech gima Jehova gi Yesu notimonwa? Som 2 Jo-Korintho 5:15 kod 1 Johana 4:11; 5:3. Bang’ somo ndiko ka ndiko, wuouru e wi penjo ma luwoni:

Kaluwore gi ndikono en ang’o ma wanyalo timo mondo wanyis ni wagoyo erokamano?

4. Luw ranyisi mar Yesu

Yo machielo ma wanyisogo ni wagoyo erokamano en ka waluwo ranyisi mar Yesu. Som 1 Petro 2:21, kae to uwuo e wi penjo ma luwoni:

Gin yore mage minyalo luwogo ondamo mag Yesu?

Yesu nohero Wach Nyasaye, nolando wach maber, kendo nokonyo jomamoko

5. Dhi e nyasi miparogo tho mar Kristo

Som Luka 22:14, 19, 20, mondo ing’e gima notimore e nyasi mokwongo mar Chiemo Modhiambo mar Ruoth, kae to uwuo e wi penjo ma luwogi:

Ang’o ma notimore e nyasi mar Chiemo Modhiambo mar Ruoth?
Makate kod divai ochung’ ne ang’o?—Ne kwan matindo 19 kod 20.

Yesu ne dwaro ni jopuonjrene otim nyasi mar paro thone dichiel e higa, e tarik ma nothoe. Mano e momiyo Joneno mag Jehova chokorega dichiel e higa mondo gipar tho mar Yesu e yo ma ne ochiko ni otimgo nyasino. Mondo ing’e weche momedore e wi chokruok miparogo tho mar Yesu, tug VIDIO, kae to uwuo e wi penjo ma luwoni:

VIDIO: Par Tho Yesu (1:42)

Ang’o ma timorega e chokruok miparogo tho Yesu?

Makate kod divai gin mana ranyisi. Makate ochung’ ne ringre Yesu makare chuth ma ne ochiwonwa kaka misango. Divai ochung’ ne rembe

PARO MA JOMOKO NIGO: “Ayie kuom Yesu kaka jawar mar chunya. Mano kende oromo.”

Ere kaka inyalo tiyo gi Johana 3:16 kod Jakobo 2:17 e nyiso ng’ato ni yie ayiea kuom Yesu kende ok oromo?

PUONJ MADUONG’

Wanyiso ni wagoyo erokamano kuom gima Yesu notimonwa ka wayie kuome kendo ka wadhi e nyasi miparogo thone.

Ang’o ma ipuonjori?

Nyiso yie kuom Yesu tiende en ang’o?
Diher timo ang’o mondo inyis ni igoyo erokamano kuom gima Jehova gi Yesu notimoni?
Ang’o momiyo dwarore ni wadhi e nyasi miparogo tho Yesu?

Tarik ma atieke sulani:

Gima inyalo timo

Dhi e nyasi ma luwo mar paro tho Yesu. Penj japuonjni tarik ma ibiro time, kae to indik tarigno kamoro.

Gik mamoko ma inyalo timo:

Your other goal

MED TIMO NONRO

Tho mar Kristo jiwowa timo ang’o?

Notiyo gi Dende e Miyo Jehova Duong’ (9:28)

Puonjri weche momedore e wi yie kod kaka inyalo nyiso yie.

“Bed gi Yie Kuom Gik ma Jehova Osingo” (Ohinga mar Jarito, Oktoba 2016)

E bwo wich ma wacho ni “Sani Awinjo ka Aler, Angima, Kendo Onge Gima Aremo,” ne ane kaka ngima dhako moro nolokore bang’ ng’eyo kaka misango ma ne Yesu ochiwo nyalo konye.

“Muma Loko Kit Ngima Ji” (Ohinga mar Jarito, Agost 1, 2011)