Silimo ni silimo luezanga molukonela kaufela kumema batu mwa kalulo yaluna ya simu kuli luto ba hamoho ni bona fa Kupuzo. Buñata bwa bona ibanga batu belusa zibi. Luswanela kumemanga ni batu beluziba ni kale. Halumema batu babaluziba, batu bao bakataha luli kwa Kupuzo. (yb08-E 11 ¶3; 14 ¶1) Ki bomañi bomukona kumema?

• Bahabo mina

• Bomusebeza ni bona kamba bomukena ni bona sikolo

• Bomupila ni bona bukaufi

• Ba misipili yamina ya makutisezo, bomuituta ni bona Bibele ni bane muitutanga ni bona Bibele

Hape baana-bahulu baka mema mizwale ni likaizeli babafokozi. Kono kucwañi haiba mutu yomubata kumema ili yomuziba haini mwa sibaka semupila kusona? Mwakona kuziba nako ni ko ikaezezwa Kupuzo mwa sibaka sapila kusona ka kuya fa webusaiti yaluna ya jw.org fa kalulo yeli KA ZA LUNA, mi mukete taba yeli “Kupuzo.” Hamunze muitukiseza kufumaneha kwa Kupuzo ya silimo se, munahane ka za batu bomukona kumema, mi mumeme batu bao.