Paulusi hanaazekisiwa, naipilelelize ku Sesare. Ka kuitusisa tukelo yahae ya kuba Muroma, Paulusi naalutomezi mutala wa moluswanela kuezeza ni luna kacenu. Mubuhe vidio ya Musebezi Waluna Walumelezwa Mwa Quebec mi mubone mo mizwale baluna nebaitusiselize litukelo zabona kuli bayemele taba yende mwa Quebec. Kihona mukaalaba lipuzo zelatelela:

• Ki miinelo ifi yetaata yene bakopani yona mizwale baluna mwa Quebec?

• Ki trakiti ifi yene baabezi kwa batu mi ki lika mañi zenezwile mwateñi?

• Ki lika mañi zeneezahezi ku muzwale Aimé Boucher?

• Kuta Yetuna ya mwa Canada neiatuzi cwañi mwa taba ya Muzwale Boucher?

• Ki tukelo ifi ya ka mulao yesaitusiswangi yene baitusisize mizwale mi ki lika mañi zenezwile mwateñi?

• Ki lika mañi zeneezahezi mapokola hase bakaulelize mukopano wa Lipaki za Jehova ka kususuezwa ki baprisita?