Onhumwafo kuTitus 2:1-15
2 Onghee hano ove, kala alushe ho popi oinima oyo i li metwokumwe nehongo la yuka.*+
2 Ovalumenhu ovakulunhu nava kale ve na ondjele moinima aishe, ve litula mo, ve na eendunge, ve na eitavelo la kola, ohole nelididimiko.
3 Sha faafana, ovakainhu ovakulunhu nava kale ve na elihumbato liwa, havalundili, havapika vomaviinyu, ndele ovahongi vaasho shiwa,
4 opo va dule okuyandja omayele* kovakainhu ovanyasha va kale ve hole ovashamane vavo novana vavo,
5 ve na eendunge, va koshoka, hava longo momaumbo avo,* va longe ouwa nova dulike kovashamane vavo,+ opo eendjovo daKalunga diha shekwe.
6 Sha faafana, twikila okukumaida ovalumenhu ovanyasha va kale ve na eendunge,+
7 to ulike kutya ou li oshihopaenenwa shoilonga iwa monghedi keshe. Honga osho sha koshoka* we lipaka mo shili,+
8 to popi eendjovo da yuka* odo itadi dulu okupatanekwa,+ opo ovapataneki vetu va fifwe ohoni novehe tu popile mowii.*+
9 Ovapiya nava dulike koovene vavo moinima aishe,+ nava kendabale oku va hafifa, haku va nyamukula nai,
10 hakuvaka po oinima yavo,+ ndele nava kale ovalineekelwa filufilu, opo va fimanekife omahongo aKalunga, Omuxupifi wetu.+
11 Osheshi efilonghenda laKalunga ola hololwa, tali etele ovanhu vomaludi aeshe exupifo.+
12 Otali tu deula tu efe po ouhenakalunga nosho yo omahalo oinima ii yomounyuni ou,+ tu kale ovanaendunge, ovayuki notu kale hatu longele Kalunga netilofimaneko monghalelo ei yoinima,*+
13 ofimbo twa teelela ewanifo leteelelo lehafo+ nosho yo okuhololwa kwoshinge shaKalunga Omunaenghono adishe noshOmuxupifi wetu, Jesus Kristus,
14 oo e tu liyandjela,+ opo e tu mangulule*+ koilonga ii yoludi keshe noku liyelifile ovanhu ovo ve li emona laye le likalekelwa, ovaladi voilonga iwa.+
15 Twikila okupopya oinima oyo nokukumaida* nokupukulula, molwaashi ou na oufemba filufilu woku shi ninga.+ Ino efa nande oumwe e ku dine.
Omashangelo opedu
^ Ile “tali tungu; tali eta ouwa.”
^ Ile “okudimbulukifa; okudeula.”
^ Ile “hava file oshisho omaumbo avo.”
^ Ile tashi dulika, “Honga noukoshoki.”
^ Ile “tadi tungu; tadi eta ouwa.”
^ Ile “epwanga.”
^ Ile “yeedula edi.” Tala Omafatululo oitya.
^ Eln., “e tu kulile.”
^ Ile “nokutwomukumo.”
