Malakia 3:1-18
3 “Tala! Ame ohandi tumu omutumwa wange, nota ka yeleka* ondjila komesho yange.+ NOmwene washili, oo tamu kongo, ote ke uya kotembeli yaye ombadilila;+ nomutumwa wehangano, oo mwa hokwa, ote ke uya. Taleni! Ote ke uya shili,” Jehova womatangakwaita osho ta ti.
2 “Ndele olyelye te ke lididimikila efiku lokuuya kwaye, nolyelye ta ka dula okukala ofika, ngeenge a holoka? Osheshi ota ka kala ngaashi omundilo womuhemuni, nongaashi omute*+ wovakoshi voikutu.
3 Nota ka kala omutumba ngaashi omuhemuni nomukosholi woshisilveri,+ nota ka koshola ovanamati vaLevi; note ke va yelifa* ngaashi oshingoli, nongaashi oshisilveri, nokuJehova, otava ka kala shili ovanhu tava yambe eyambo pauyuki.
4 Neyambo laJuda nolaJerusalem otali ka tambulwa ko* filufilu kuJehova, ngaashi pomafiku onale nopeedula donale.+
5 “Ohandi ke uya popepi nanye omolwetokolo, nohandi ka kala ondombwedi hai endelele, ndi tokole ovalodi,+ ndi tokole ovahaeli, ndi tokole ovo hava ane oipupulu,+ ndi tokole ovo hava kengelele omunailonga oo a kutwa,+ omufiyekadi nosho yo okaana oko kehe na xe,*+ nondi tokole ovo hava anye okukwafela* omunailongo.+ Ava inava tila nge,” Jehova womatangakwaita osho ta ti.
6 “Osheshi aame Jehova; ihandi lunduluka.*+ Nanye ovanamati vaJakob; inamu fika natango pexulilo leni.
7 Okudja komafiku ooxokulululwa omwa efa po omaufomhango ange, noinamu a diinina.+ Alukileni kwaame, nohandi ka alukila kunye,”+ Jehova womatangakwaita osho ta ti.
Ndele ohamu ti: “Ongahelipi hatu dulu okwaalukila kwoove?”
8 “Mbela omunhu wongaho ota nyeke tuu Kalunga? Ashike nye otamu nyeke nge.”
Nohamu ti: “Otwe ku nyeka ngahelipi?”
“Omoitimulongo* nomomayambidido.
9 Nye omwa fingwa filufilu,* osheshi otamu nyeke nge, heeno, oshiwana ashishe osho tashi ningi ngaho.
10 Eteni oshitimulongo ashishe* meemhungulilo,+ opo mu dule okukala mu na oikulya meumbo lange;+ alikana, yelekeni nge moshinima eshi,” Jehova womatangakwaita osho ta ti, “mu tale ngeenge itandi ke mu yeululila omivelo domeva okeulu+ noku mu lokifila* omanangeko noupuna fiyo osheshi pehe na osho sha kambela po.”+
11 “Nohandi ka hanyena po osho tashi hanauna,* noitashi ka nyonauna oiimati yomedu leni, nomomapya eni itamu ka kala omundjebele uhe na oiimati,”+ Jehova womatangakwaita osho ta ti.
12 “Oiwana aishe otai ka popya kutya omwa hafa,+ osheshi nye otamu ka ninga edu liwa,” Jehova womatangakwaita osho ta ti.
13 “Eendjovo deni di li omhinge naame oda li da kwata moiti,” Jehova osho ta ti.
Nohamu ti: “Ongahelipi twa popya eendjovo di li omhinge naave mokati ketu?”+
14 “Ohamu ti, ‘Okulongela Kalunga kaku na ekwafo lasha.+ Ouwa ulipi twa mona, eshi twa wanifa po oiteelelwa yetu kuye nomokweenda nouladi koshipala shaJehova womatangakwaita?
15 Paife otwa tala ko ovo ve linenepeka va hafa. Natango, ovo hava longo owii ohava pondola.+ Ihava tila okuyeleka Kalunga, noihava ningwa sha.’”
16 Pefimbo olo, ovo hava tila Jehova ova lombwelafana, keshe umwe namukwao, na Jehova okwa kala ta yandje elitulemo nokupwilikina. Nembo lokudimbulukwa ovo hava tila Jehova naavo hava dilonga* kedina laye+ ola li la shangwa moipafi yaye.+
17 “Notava ka kala vange,”+ Jehova womatangakwaita osho ta ti, “mefiku olo eshi handi eta po emona le likalekelwa.*+ Ohandi ke va fila onghenda, ngaashi ashike omunhu ta file onghenda omonamati waye, oo he mu longele.+
18 Notamu ka mona vali eyooloko pokati komuyuki nokomukolokoshi,+ pokati kaao ha longele Kalunga naao ihe mu longele.”
Omashangelo opedu
^ Ile “longekida.”
^ Ile “ofewa.”
^ Ile “hemuna.”
^ Ile “hokiwa.”
^ Ile “ovo hava anyene oufemba.”
^ Ile “ofiye.”
^ Ile “inandi lunduluka.”
^ Ile “Omoshitukulwa shoshitimulongo.”
^ Ile tashi dulika, “Nye otamu fingi nge nefingo.”
^ Ile “oshitukulwa ashishe shoshitimulongo.”
^ Eln., “tililashi.”
^ Tashi dulika tashi ulike komahandukilo oipuka.
^ Ile “diladila.” Ile tashi dulika, “va lenga.”
^ Ile “emona li na ondilo.”
