Joel 3:1-21
3 “Osheshi tala! pomafiku oo nopefimbo olo,Ngeenge nda alula eenghwate daJuda nodaJerusalem,+
2 Ohandi ka ongela yo pamwe oiwana aisheNohandi ke i eta kEfilu laJosafat.*
Ohandi ke i tokolela oko+Ponhele yoshiwana shange noyefyuululo lange Israel,Osheshi oye va halakanifila mokati koiwana,Noye litukulila edu lange.+
3 Osheshi ohai umbile oshiwana shange oihoololifo;+Ohai landifa po okaana okamati, opo i lilandele ombwada,Nohai landifa po okaana okakadona omolwomaviinyu i nwe.
4 Natango, omu na shike naame,Akutu, Tirus naSidon noitukulwa aishe yomuFilistia?
Mbela otamu shunifile nge sha omolwoshinima shonhumba?
Ngeenge otamu shunifile nge,Ohandi ka endelela ndi mu shunifile meendelelo komitwe deni.+
5 Molwaashi omwa kufa po oshisilveri noshingoli shange,+Nomwa twala omamona ange mawa meetembeli deni;
6 Novanhu vomuJuda novomuJerusalem omwe va landifa po kOvagreka,+Opo mu va twale kokule noshitukulwa shavo;
7 Paife ohandi va alula ko konhele oko mwe va landifa po,+Nohandi ke mu shunifila komitwe deni she likolelela kwaasho mwa longa.
8 Ohandi ka landifa po ovanamati novanakadona veni momake ovanhu vomuJuda,+Notave ke va landifa po kovalumenhu vokuSheba, koshiwana shokokule;Osheshi Jehova okwe shi popya ye mwene.
9 Shi shiivifeni mokati koiwana;+
‘Lilongekidileni* oita! Ifaneni ovalumenhu ovanaenghono!
Ovakwaita aveshe nava ehene popepi, nava xume komesho!+
10 Omatemo eni oipululo a hambuleni omaongamukonda, noikashulifo yeni omaonga.*
Oo ehe na eenghono na tye: “Ondi na eenghono.”
11 Ileni mu kwafele nye oiwana aishe yopopepi, ongaleni pamwe!’”+
Alikana, Jehova, konhele oko twala ko ovanaenghono voye.*
12 “Oiwana nai fikame nokuuya kEfilu laJosafat;Osheshi oko oko handi ka kala omutumba, opo ndi tokole oiwana aishe yopopepi.+
13 Kufeni oikashulifo, osheshi eteyo ola fika.
Ileni nokulyataula, osheshi oikolelo yomaviinyu oi yadi.+
Oikwatelwa otai xunga, osheshi owii wavo ouhapu.
14 Omangafifi, omangafifi oku li mefilu letokolo,Osheshi efiku laJehova oli li popepi mefilu letokolo.+
15 Etango nomwedi otai ka laula,Neenyofi otadi ka fiilila.
16 Na Jehova ota ka ndunduma muSion,Ota ka yelula ondaka yaye muJerusalem.
Neulu nedu otai ka kakama;Ashike Jehova ota ka kala eameno koshiwana shaye,+Ohotekuma koshiwana shaIsrael.
17 Notamu ka shiiva kutya aame Jehova, Kalunga keni, ndi li muSion, omhunda yange iyapuki.+
Jerusalem otashi ka ninga onhele iyapuki,+Novaendanandjila* itava ka enda mo vali musho.+
18 Mefiku olo, eemhunda otadi ka ndoda omaviinyu manyenye,+Oikulundudu otai ka kunguluka omashini,Nomakungulukilo aeshe omuJuda otaa ka kunguluka omeva.
Ofifiya otai ka kunguluka okudja meumbo laJehova,+Notai ka tekela Efilu lEemwoonde.
19 Ashike Egipiti ota ka ninga eputu,+Na Edom ota ka ninga ombuwa yongaho+Omolwoukolokoshi oo va ningila ovanhu vomuJuda,+Nomedu olo va tilashi ohonde ihe na etimba.+
20 Ashike Juda otashi ka kalwa alushe,Na Jerusalem okepupi nepupi.+
21 Ohonde yavo, oyo nda li nda tala ko i na etimba,* ohandi ke i tala ko ihe na etimba;+Na Jehova ota ka kala muSion.”+
