Joel 1:1-20
1 Ondjovo yaJehova oyo ye uya kuJoel,* omonamati waPetuel, tai ti:
2 “Pwilikineni kwaashi, nye ovakulunhu,Nokuyandja elitulemo, nye ovakalimo amushe vomoshilongo.*
Mbela opa ningilwe nale oshinima sha fa eshi pefimbo leni,Ile pefimbo looxokulululwa?+
3 Shi lombweleni ovanamati veni,Novanamati veni nave shi lombwele ovanamati vavo,Novanamati vavo epupi la shikula ko.
4 Osho sha xupa po koshipaxu, osho hashi hanauna, osha lika po koshipaxu osho hashi ende meengudu;+Naasho sha xupa po koshipaxu, hashi ende meengudu, osha lika po koshipaxu shihe na omavava;Naasho sha xupa po koshipaxu, shihe na omavava, osha lika po koshipaxu sha nyika oshiponga.+
5 Pendukeni, nye eengholwe,+ nokulila!
Lileni, nye amushe ovo hamu nu omaviinyu,Molwaashi omaviinyu manyenye okwa kufwa mo momakanya eni.+
6 Oshiwana oshinaenghono noitashi dulu okuvalulwa oshe uya medu lange.+
Omayoo asho omayoo onghoshi,+ neehamama dasho oda fa odo donghoshi.
7 Osha hanauna po omundjebele wange nosha ninga omukwiyu wange oshifidi,She di yeleka filufilu noshe di nangeka,Sha fiya oitai yado i yela.
8 Lileni ngaashi okakadona elela* ka djala oshako haka ningiOmolwomuhomboli* womounyasha wako.
9 Eendjayambo+ noikunwayambo+ oya xula po meumbo laJehova;Ovapristeri, ovayakuli vaJehova, ova nyika oluhodi.
10 Epya ola hanaunwa po, edu ola nyika oluhodi;+Osheshi oilya oya hanaunwa po, omaviinyu mape okwa pwiinina po; omaadi kae po vali.+
11 Ovanamapya ova teka omukumo, ovalongi vomoikunino yomandjebele otava lili,Omolwoilya yo-wheat nosho yo yo-barley;Osheshi eteyo mepya ola xula po.
12 Omundjebele owa kukuta,Omukwiyu owa lemba.
Omugranati, omulunga nomuapela,Omiti adishe domoshilongo oda kukuta;+Osheshi ehafo ola shituka ohoni mokati kovanhu.
13 Djaleni eeshako* nokunyika oluhodi,* nye ovapristeri;Lileni, nye ovayakuli vokoaltari.+
Ileni mo nokukala oufiku mwa djala eeshako, nye ovayakuli vaKalunga kange;Osheshi eendjayambo+ noikunwayambo+ ihai uya mo vali meumbo laKalunga keni.
14 Shiivifeni* efiku lokulidilika; naku ningwe oshoongalele shiyapuki.+
Ongeleni pamwe ovakulunhu, pamwe novakalimo aveshe vomoshilongo,Ve uye keumbo laJehova Kalunga keni,+ nokulilila Jehova e mu kwafele.
15 Woo omolwefiku olo!
Osheshi efiku laJehova oli li popepi,+Notali uya ngaashi ehanauno tali di kOmunaenghono adishe!
16 Hamba oikulya inai kufwa po moipafi yetu,Nenyaku nehafo meumbo laKalunga ketu?
17 Eembuto* oda hekeshwa koshi yoixupulo yavo.
Eemhungulilo oda pwa.
Omaanda okwa hanaunwa po, osheshi oilya oya kukuta.
18 Nokuli noimuna otai keme!
Omaufita eengobe otaa elaela a ngwangwana, molwaashi kape na oulifilo!
Nomaufita eedi otaa fi ondjala.
19 Oove handi ifana, alikana, Jehova;+Osheshi omundilo owa lefeka po omaulifilo omombuwa,Nomalaka omundilo okwa lungwinifa po omiti adishe domoshilongo.
20 Nokuli noifitukuti oye ku djuulukwa,Molwaashi omakungulukilo omeva okwa pwiinina,Nomundilo owa lefeka po omaulifilo omombuwa.”
