Hesekiel 2:1-10
2 Opo nee okwa tya kwaame: “Omona womunhu,* fikama,* opo ndi dule okupopya naave.”+
2 Eshi a popya naame, omhepo oye uya mwaame, noya ningifa nge ndi fikame,+ opo ndi dule okuuda ou ta popi naame.
3 Okwa twikila okupopya naame ta ti: “Omona womunhu, ohandi ku tumu kOvaisrael,+ oshiwana oshinashibofa, osho sha tukulila nge oshibofa.+ Vo nooxekulululwa ova nyona kwaame fiyo omefiku tuu eli.+
4 Ohandi ku tumu kovana ovo ovatangalali* nove na omitima dikukutu,+ nou na oku va lombwela to ti, ‘Eshi osho Omwene Omunamapangelo aeshe, Jehova, ta ti.’
5 Ashike vo, kutya nee ova pwilikine, ile ova anye okupwilikina, osheshi ove li eumbo linashibofa,+ otava ka shiiva filufilu kutya omuprofeti okwa li mokati kavo.+
6 “Ashike ove, omona womunhu, ino kala we va tila+ noino kala wa tila eendjovo davo, nonande owa dingililwa keeshosholo nokomakiya,*+ nou li mokati keendje. Ino kala wa tila eendjovo davo+ noino mbadapala omolwoipala yavo,+ osheshi ove li eumbo linashibofa.
7 Ou na oku va lombwela eendjovo dange, kutya nee ova pwilikine, ile hasho, osheshi ove li oshiwana oshinashibofa.+
8 “Ashike ove, omona womunhu, pwilikina kwaasho handi ku lombwele. Ino ninga omunashibofa ngaashi eumbo eli linashibofa. Ekameka okanya koye, ndele to li osho handi ku pe.”+
9 Eshi nda tala, onda mona eke la yuka kwaame,+ nomulo onda mona mo omushangwatonywa wa shangwa.*+
10 Eshi e u tonyununa mo moipafi yange, owa shangwa kombada nokonima.+ Muo omwa shangwa omaimbilokemo* nokukwena nokulilaana.+
Omashangelo opedu
^ Eshi osho oshikando shotete shomoikando 93 outumbulilo “omona womunhu” tau holoka muHesekiel.
^ Eln., “fikama keemhadi doye.”
^ Ile “ovo ve na oipala idjuu.”
^ Ile tashi dulika, “nonande ovanhu ovatangalali, nova fa oinima tai ku tu.”
^ Ile “omushangwatonywa wembo.”
^ Ile “omaimbilo oluhodi.”
