Onhumwafo onhivali kuTimoteus 4:1-22
4 Ohandi ku anifa koshipala shaKalunga noshaKristus Jesus, oo ta ka tokola+ ovanamwenyo novafi+ pokuhololwa kwaye,+ naashi ta ka pangela mOuhamba waye:+
2 Udifa eendjovo daKalunga;+ shi ninga neendelelo momafimbo mawa nomomafimbo madjuu; pukulula,+ kunghilila nokukumaida nonheni nosho yo nonghedi iwa yokuhonga.+
3 Osheshi otapa ka kala efimbo, eshi ovanhu itava ka pwilikina vali komahongo a yuka,*+ ndele omolwomahalo avo, otave ke likongela ovahongi ovo tava hongo oinima oyo tai nyuwifa omatwi avo.*+
4 Otava ka efa po okupwilikina koshili notava ka yandja elitulemo komahokololo oipupulu.
5 Ndele ove, kala omunaendunge moinima aishe, lididimikila omaudjuu,+ kala to udifa onghundana iwa* nokuwanifa po nawanawa oilonga yaKalunga.+
6 Ohandi tilwashi nale ngaashi oshikunwayambo+ nefimbo lange lokumangululwa+ oli li pokufika.
7 Onda kondja ekondjo liwa,+ nda tondoka fiyo okefikilo mefiyafano,+ sha hala okutya nda diinina eitavelo lange.
8 Okudja paife, Omwene, oo ha tokola pauyuki,+ okwa tuvikilila nge oshikoroni shouyuki,+ osho ta ka pa nge mefiku letokolo shi li onga ondjabi.+ Haame andike handi ke shi pewa, ndele otashi ka pewa aveshe ovo va teelela nodjuulufi okuhololwa kwaye.
9 Ninga eenghendabala u uye kwaame diva.
10 Osheshi Demas,+ molwaashi oku hole onghalelo ei yoinima,* okwa fiya nge po a ya kuTessalonika, ofimbo Kreskens a ya kuGalatia, na Titus okwa ya kuDalmatia.
11 Ondi li po ashike naLukas. Ila pamwe naMarkus, osheshi oku li ekwafo kwaame moilonga yaKalunga.
12 Tikikus+ onde mu tuma kuEfeso.
13 Eshi to uya, etelela ondjafa yange nde i fiile meumbo laKarpus muTroas, nosho yo omishangwatonywa, unene tuu omapergamenti.*
14 Aleksander, omuhambwidi wongopolo, okwa ehameka nge unene. Jehova* ote ke mu alulila shi fike poilonga yaye.+
15 Naave yo mu lungamena, osheshi oku li omhinge filufilu netumwalaka letu.
16 Eshi nda li handi lipopile oshikando shotete koshipala shovapangeli, kapa li nande oumwe a popila nge, aveshe ova li va fiya nge po. Ohandi indile, opo Kalunga ehe va shunifile owii wavo.
17 Ndele Omwene okwa kwafela nge nokwa pa nge eenghono, opo etumwalaka li udifwe nawanawa okupitila mwaame noli udike koiwana aishe,+ nokwa li a xupifa nge mokanya konghoshi.+
18 Omwene ota ka xupifa nge koilonga aishe yowii nokwaamena nge fiyo a twala nge mOuhamba waye womeulu.+ Onghee okwa wana okufimanekwa alushe fiyo alushe. Amen.
19 Kundila po Priskila naAkwila+ nosho yo ovaneumbo vaOnesiforus.+
20 Erastus+ oku li muKorinto, ofimbo Trofimus+ nde mu fiya muMileto ta vele.
21 Ninga eenghendabala u uye fimbo okufu inaku uya.
Oto kundilwa po kuEubulus, kuPudens, kuLinus, kuKlaudia nokovamwatate aveshe.
22 Omwene na kale pamwe naave omolwomhepo yoye iwa. Efilonghenda laye nali kale pamwe nanye.
