Onhumwafo onhivali kuTimoteus 2:1-26
2 Onghee ove, omumwange,+ twikila okulipameka meenghono defilonghenda olo wa ulikilwa kuKristus Jesus,
2 nosho oyo moinima oyo wa uda kwaame, noya kolekwa keembangi dihapu,+ oinima oyo i lineekelela ovalumenhu ovadiinini, ovo va wana filufilu okuhonga vakwao.
3 U li omukwaita muwa+ waKristus Jesus, lididimikila omaudjuu.+
4 Kape na omukwaita he lipyakidile* moinima yopangeshefa* a mone ouxupilo, opo a kale a hokiwa kwaao e mu kuta moukwaita.
5 Sha faafana, hakeshe ou ha kufa ombinga momaudano ha pewa oshishani, kakele ngeenge a dulika keemhango domaudano.+
6 Omunamapya oo ha longo noudiinini oye e na okulya tete oilikolomwa yomepya laye.
7 Kala alushe ho diladila moule kombinga yaashi handi ku lombwele; Omwene ote ke ku kwafela u ude ko* oinima aishe.
8 Dimbuluka kutya Jesus Kristus okwa nyumunwa koufi+ nokwa dja moludalo laDavid,*+ metwokumwe nonghundana iwa oyo handi udifa,+
9 oyo handi hepekelwa noya tulifa nge modolongo onga omukolokoshi.+ Ashike nande ongaho, kape na ou ta dulu okuya moshipala eendjovo daKalunga.+
10 Onghee ohandi lididimikile oinima aishe omolwovahoololwa,+ opo navo va ka xupifwe okupitila muKristus Jesus, nova ka mone efimano laalushe.
11 Eendjovo edi odi shii okulineekelwa edi tadi ti: Ngeenge otwa fya pamwe naye, ohatu ka kala yo nomwenyo pamwe naye;+
12 ngeenge otwa twikile okulididimika, ohatu ka pangela pamwe naye tu li eehamba;+ ngeenge otwe mu lidimbike, naye ote ke tu lidimbika;+
13 ngeenge otwa kala tuhe fi ovadiinini, ye ota kala omudiinini, osheshi ita dulu okulidimbika ye mwene.
14 Twikila oku va dimbulukifa kombinga yoinima oyo, noku va lombwela* koshipala shaKalunga vaha twe eemhata di na sha noitya, odo dihe na ekwafo lasha nohadi nyono* po eitavelo laavo tave di pwilikine.
15 Ninga ngaashi to dulu, opo u kale wa hokiwa kuKalunga, u kale omunailonga ita fi ohoni oshilonga shaye, u shii okulongifa nawa eendjovo doshili.+
16 Kala yo kokule naavo hava popi eendjovo dongaho odo itadi fimanekifa Kalunga,+ osheshi otadi ku ehenifa kokule naye,
17 molwaashi eendjovo davo ohadi tandavele ngaashi oshipute tashi hoko. Vamwe vomuvo ongaashi Himeneus naFiletus.+
18 Ovalumenhu ovo ova efa po oshili, tava ti kutya enyumuko ola ningwa nale,+ notava nyono po eitavelo lavamwe.
19 Kakele kaasho, ekanghameno la kola laKalunga otali kala la pama, li na eshangelo tali ti: “Jehova* ovo vaye oku va shii,”+ nosho yo “Keshe ou ta ifana edina Jehova*+ na efe po okuhenouyuki.”
20 Meumbo la kula ihamu kala ashike oikwatelwa yoingoli noyoisilveri, ndele ohamu kala yo yoiti noyedu; imwe ohai kwatelwa oinima oyo ya fimana, ofimbo imwe oyoyo inai fimana.
21 Onghee keshe ou te likaleke kokule noikwatelwa yoinima oyo inai fimana ota kala ngaashi oikwatelwa yoinima ya fimana, ta yapulwa nota kala oshikwatelwa shiwa komwene waye nokukala a wana okulonga oshilonga keshe shiwa.
22 Onghee hano inda onhapo okahalu kounyasha, ndele to lalakanene ouyuki, eitavelo, ohole nombili, pamwe naavo hava ifana edina lOmwene nomutima wa yela.
23 Shimwe vali, henuka eemhata dongaho noda nyika oulai,+ molwaashi ou shi shii kutya ohadi eta omalwoodi.
24 Osheshi omupiya wOmwene ke na okulwa, ndele okwa pumbwa okukala e na onghenda* novanhu aveshe,+ a wana okuhonga, iha shunifile vamwe owii+
25 noha popi nomwenyo muwa naavo vehe hole okutambula ko omapukululo.+ Kalunga otashi dulika e ke va pe omhito ve lidilulule* nova shiive nawa oshili,+
26 ndele tava ka mona kutya ova li va kwatwa ko nomwenyo kOndiaboli va longe ehalo layo,+ opo nee otava ka manguluka mo momwiyo wayo.
