Omafimbo omativali 4:1-22
4 Okwa ninga oaltari yongopolo+ i na oule womukokomoko womaludimbo 20, ounene womaludimbo 20, noule wopombada omaludimbo 10.
2 Okwa hambula Efuta+ moshivela. Ola li li li ongonga, okudja komungenge umwe fiyo okomungenge mukwao omaludimbo 10, oule wopombada omaludimbo 5, nounene walo otau dulu okushakenwa kongodi yokuyelekifa yomaludimbo 30.+
3 Nokoshi yalo okwa li kwa fanekwa oitila+ ye li dingilila alishe. Moludimbo limwe omu na oitila omulongo, oyo ya dingilila Efuta. Oitila oyo oya li momikweyo mbali i li oshitukulwa shalo.
4 Ola li la tenhekwa keengobe 12;+ 3 oda taalela kolundume, 3 oda taalela kouninginino, 3 oda taalela kolukadi, na 3 oda taalela koushilo; adishe oda li da pilamena pokati kEfuta.
5 Nounene walo owa li u fike pomutamo weke;* omungenge walo owa li wa fa omungenge wekopi, wa li u li ngaashi ongala yedo ya sheneka. Ola li hali humbata omeva e fike peebata* 3 000.
6 Okwa li a ninga eembaali omulongo dokukoshela, nhano okwe di tula kolulyo, nanhano okwe di tula kolumosho.+ Ova li hava koshele mo oinima oyo ya longifwa, eshi kwa li taku yambwa omaxwikiloyambo.+ Ndele mEfuta omwa li hamu likoshele ovapristeri.+
7 Opo nee okwa ninga oikwatelwalamba omulongo yoshingoli,+ ngaashi sha popiwa kondadalunde,+ nokwe i tula motembeli, itano okolulyo, naitano okolumosho.+
8 Okwa ninga yo oitaafula omulongo, ndele te i tula motembeli, itano okolulyo, naitano okolumosho.+ Okwa ninga vali ouyaxa voshingoli 100.
9 Okwa ninga omukala wovapristeri,+ omukala*+ wa kula+ nosho yo omivelo domukala. Omivelo dayo okwe di vaeka nongopolo.
10 Nokwa tula Efuta kolulyo, lwokoushilolukadi.+
11 Hiram okwa ninga yo oikwatelwa, oixupulo nouyaxa.+
Opo nee Hiram okwa manifa oilonga oyo a li ta longele ohamba Salomo meumbo laKalunga kashili:+
12 eengudi mbali+ nomitwe da fa ouyaxa, odo da li koxulo yeengudi odo mbali, ounete vavali+ vokuuvika omitwe mbali da fa ouyaxa, odo da li koxulo yeengudi;
13 oiimati yomuti wogranati 400,+ oyo ya li kounete vavali, omikweyo mbali doiimati yomuti wogranati kokanete keshe, yokuuvika omitwe mbali da fa ouyaxa, odo da li koxulo yeengudi;+
14 outemba* omulongo nosho yo eembaali omulongo, odo da li koutemba;+
15 Efuta nosho yo eengobe deemhedi 12, odo da tenhekwa kulo;+
16 oikwatelwa, oixupulo, omafoloko+ noilongifo aishe ikwao oyo Hiram-abiv+ a hambulila ohamba Salomo mongopolo omolweumbo laJehova.
17 Ohamba oya longela oinima oyo moshitukulwa shaJordan, pokati kaSukkot+ naSereda, ya longifa edu lelova.
18 Oilongifo aishe oyo Salomo a ninga oya li ihapu neenghono; ondjudo yongopolo, oyo ya longifwa, kaya li i shiivike.+
19 Salomo okwa ninga oilongifo aishe+ yomeumbo laKalunga kashili tai landula: oaltari yoshingoli,+ oitaafula+ kwa tenhekwa omingome dokutalika;+
20 oikwatelwalamba neelamba dayo doshingoli elela,+ opo di kale da tema komesho yedimo lomeni elela, she likolelela koiteelelwa;
21 nosho yo eengala, eelamba, noidimifo,* ya longwa moshingoli, oshingoli elela;
22 oidimifo yomundilo, ouyaxa, oukopi noikwatelwa yomundilo yoshingoli elela; oshivelo sheumbo, omivelo dalo domeni domOuyapuki elela+ nosho yo omivelo deumbo lotembeli, ya longwa moshingoli.+
Omashangelo opedu
^ Eesendimeta 7,4 lwaapo. Tala Oshiw. B14.
^ Obata imwe oi fike peelita 22. Tala Oshiw. B14.
^ Ile “oluumbo.”
^ Ile “outemba vomeva.”
^ Ile “noikwatifo.”
