Onhumwafo yotete kuTimoteus 2:1-15
2 Tetetete, ohandi ladipike pa kale omaindilo, omailikano, okwiilikanenafana nosho yo omapandulo omolwovanhu aveshe,
2 shi na sha neehamba naaveshe ovo ve na eendodo dopombada,*+ opo tu dule okukala twa ngungumana notu na onghalamwenyo iwa pamwe nokulongela Kalunga netilofimaneko notwe litula mo.+
3 Osho osha yuka nosha wapala moipafi yaKalunga Omuxupifi wetu,+
4 oo a hala ovanhu vomaludi aeshe va xupifwe+ nova shiive nawa oshili.
5 Osheshi ope na ashike Kalunga umwe aeke,+ nopokati kaKalunga novanhu+ ope na omupokati umwe,+ Kristus Jesus,+
6 oo e liyandja a ninge oikulila ya yeleka okukulila aveshe;*+ ovanhu otava ka hepaulula kombinga yoshinima osho pefimbo la wapala.
7 Nomolwaasho Kalunga a hoolola nge ndi udife+ nondi ninge omuyapostoli,+ opo ndi dule okuhonga oshili oiwana+ i kale i na eitavelo. Eshi handi popi oshoshili; itandi fufya.
8 Onghee hano onda hala ovalumenhu keshe pamwe va twikile okwiilikana noudiinini va yelula omake avo pombada,+ vehe na ehandu+ neemhata.+
9 Sha faafana, ovakainhu ove na okudjala oikutu tai wapalele,* nondjele nosho yo neendunge,* hakupandwa monghedi ya kitakana, ile okudjala oikutu yondilo, ile oinima ya longwa moingoli noumanya vondilo,+
10 ndele ove na okuliwapeka monghedi oyo tai ulike kutya ovatilikalunga,+ nokulonga oilonga iwa.
11 Omukainhu na kale a mwena* ngeenge ta hongwa, nokudulika filufilu.+
12 Itandi pitike omukainhu a honge, ile a pangele omulumenhu, ndele oku na okukala a mwena.*+
13 Osheshi Adam oye a shitwa tete, opo nee taku shikula Eva.+
14 Shikwao vali, Adam ina pukifwa, ashike omukainhu oye a pukifwa filufilu,+ ndele ta nyono.
15 Onghee omukainhu ota ka kala a amenwa ngeenge okwa kala e lipyakidila nokufila oshisho ovana vaye,+ e* na eitavelo, ohole, a koshoka koshipala shaKalunga noku na eendunge.*+
