Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Mabalin Kadi nga Agikkat kas Saksi ni Jehova ti Maysa a Miembro?

Mabalin Kadi nga Agikkat kas Saksi ni Jehova ti Maysa a Miembro?

Wen. Mabalin nga agikkat ti maysa iti organisasionmi iti dua a pamay-an:

  • Babaen iti pormal a panangibaga. Berbal man wenno surat, mabalin nga ibaga ti maysa a miembro ti desisionna a saannan a kayat ti maibilang a Saksi ni Jehova.

  • Babaen iti aramid. Mabalin nga agaramid ti maysa a tao iti banag a mangipakita a saannan a kayat ti maibilang kas Saksi ni Jehova. (1 Pedro 5:9) Kas pagarigan, mabalin a makimiembro iti sabali a relihion ken ipakitana a kayatna ti agtalinaed iti dayta.1 Juan 2:19.

Kasano no saanen a mangaskasaba wenno umat-atender iti gimong ti maysa a miembroyo, ibilangyo kadin a nagikkat isuna?

Saan. Ti panagikkat, wenno ti isisina iti organisasion, ket naiduma iti panagbalin a nakapuy iti pammati. Kaaduanna, dagidiay saan unayen a mangaskasaba ken makigimgimong, wenno dagidiay simmardengen ket dida tinallikudan ti pammatida, no di ket maup-upayda laeng. Imbes nga adaywanmi ida, ikagkagumaanmi ketdi a liwliwaen ken tulongan ida. (1 Tesalonica 5:14; Judas 22) No agkasapulan dayta a tao iti tulong, dagiti panglakayen wenno mangidadaulo iti kongregasion ti mangyun-una iti panangited kenkuana iti naespirituan a tulong.Galacia 6:1; 1 Pedro 5:1-3.

Uray no kasta, awan autoridad dagiti panglakayen a mangpilit wenno mangpuersa iti maysa tapno agtultuloy kas maysa a Saksi ni Jehova. Ti tunggal indibidual ti agdesision no ania ti kayatna a pagtalinaedan a relihion. (Josue 24:15) Patienmi a dagidiay agdayaw iti Dios masapul nga aramidenda dayta a boluntario ken naimpusuan.Salmo 110:3; Mateo 22:37.

Ammuem ti Ad-adu Pay

Laklaksiden Kadi Dagiti Saksi ni Jehova Dagiti Dati a Miembroda?

No dadduma, nasken a mailaksid ti maysa a tao. Makatulong dayta tapno matignay nga agbalbaliw ket makasubli iti kongregasion.

Ania a Kita ti Tattao Dagiti Saksi ni Jehova?

Mano ti am-ammom a Saksi ni Jehova? Ania a talaga ti ammom maipapan kadakami?

Pagsisinaen Kadi Wenno Pabilgen Dagiti Saksi ni Jehova Dagiti Pamilia?

Maakusaran no dadduma dagiti Saksi ni Jehova a pagsisinaenda dagiti pamilia. Ngem talaga kadi a dagiti Saksi ti pagtaudan ti di panagkikinnaawatan?