Agsaganaka a naimbag. Adalem ti material agingga a maawatam no kasano a paneknekan ti Biblia dagiti kangrunaan a punto. Iyebkasmo dagita iti presentasionmo iti ababa ken simple a sasao. Ilawlawagmo ti pateg dagita kadagiti agdengdengngeg. Ikararagmo ti nasantuan nga espiritu.

Agusarka iti sasao a mangipakita iti kombiksion. Imbes nga ulitem ti eksakto a sasao iti publikasion, ibagam dagita iti bukodmo a sasao. Mangpilika iti sasao a mangipakita a siguradoka iti ibagbagam.

Sipapasnek ken naimpusuan nga agsaoka. Agsao iti kalalainganna a kapigsa. Kanayon a kitaem dagiti agdengdengngeg no maitutop dayta.