Umuna Kadagiti Taga-Tesalonica 1:1-10

  • Kablaaw (1)

  • Panagyaman iti pammati dagiti taga-Tesalonica (2-10)

1  Siak ni Pablo ket kaduak da Silvano*+ ken ni Timoteo.+ Nagsuratak iti kongregasion dagiti taga-Tesalonica a naikaykaysa iti Dios nga Ama ken iti Apo a ni Jesu-Kristo: Adda koma kadakayo ti nagpaiduma a kinaimbag ken talna.  Kanayon nga agyamyamankami iti Dios no dakamatendakayo amin kadagiti kararagmi,+  ta kanayon a malaglagipmi ti aramidyo a maigapu iti pammatiyo, ti naayat a panagbannogyo, ken ti panagibturyo gapu iti namnamayo+ ken Apotayo a Jesu-Kristo iti sanguanan ti Dios ken Amatayo.  Kakabsat nga ay-ayaten ti Dios, ammomi ti panangpilina kadakayo,  ta inkaskasabami ti naimbag a damag kadakayo, saan laeng a babaen ti sasao, no di ket babaen ti pannakabalin ken nasantuan nga espiritu ken nabileg a panamati. Ammoyo no ania a kita ti tattao ti nagbalinanmi kadakayo para iti pagimbaganyo.  Ket tinuladdakami+ ken ti Apo,+ gapu ta inawatyo ti sao ti Dios, buyogen ti rag-o manipud iti nasantuan nga espiritu, uray no nagadu ti rigat+ a naipasango kadakayo,  tapno agbalinkayo nga ulidan iti amin a manamati idiay Macedonia ken Acaya.  Kinapudnona, saanyo laeng nga inwaras ti sao ni Jehova* idiay Macedonia ken Acaya, no di ket nagdinamag pay iti amin a lugar ti pammatiyo iti Dios,+ isu nga awanen ti maibagami.  Ta kanayon nga ipadpadamagda daydi damo a panagkikitatayo ken no kasano a tinallikudanyo dagiti idoloyo+ tapno agserbikayon iti sibibiag ken pudno a Dios. 10  Ipadpadamagda pay ti panangur-urayyo iti aggapu idiay langit+ nga Anakna a pinagungarna, awan sabali no di ni Jesus, a mangisalakan kadatayo iti um-umayen a pungtot.+

Footnotes

Naawagan met iti Silas.
Kitaem ti App. A5.