[Heb., tsephar·deʹaʽ; Gr., baʹtra·khos].

 Maysa a kita ti parsua nga agbibiag iti takdang ken danum, awanan iti ipus, nalamuyot ti kudilna ken nabaneg dagiti atiddog a kamaudina a maibagay a paglagtona. Iti Hebreo a Kasuratan, ti laeng pannakadakamat dagiti tukak ket mainaig iti maikadua a didigra nga impagteng ni Jehova iti Egipto. (Ex 8:1-14; Sal 78:45; 105:30) Kas iti dadduma pay a saplit, daytoy ket panangukom ti Dios kadagiti didiosen a pagdaydayawan iti dayta a daga. (Ex 12:12) Ti tukak ket sagrado ken Heqt, maysa a diosa ti Egipto a nailadawan nga addaan iti ulo ti tukak.

 Iti Apocalipsis 16:13, dagiti “narugit a naipaltiing nga ebkas” ket nayarig kadagiti tukak. Maikanatad daytoy, agsipud ta iti Mosaiko a Linteg, dagiti tukak ket narugit a pagtaraon.​—Le 11:12.