[mabalin a, Siasino ti Kas iti Dios?; wenno, Siasino ti Kukua ti Dios?].

  1. Maysa a Cohatita a Levita ken anak ni Uzziel. (Ex 6:18, 22) Kalpasan ti panangpapatay ni Jehova iti annak ni Aaron a da Nadab ken Abihu gapu iti panagidatonda iti di mayalubog nga apuy, binagkat ni Misael ken ti kabsatna a ni Elzafan ti bangkay dagitoy ket impanda iti ruar ti pakarso.​—Le 10:1-5.

  2. Ti orihinal a nagan ti maysa kadagiti tallo a taga Juda a kakadua ni Daniel. “Mesac” ti impanagan kenkuana ti kangrunaan nga opisial ti palasio ti Babilonia.​—Da 1:6, 7; kitaenyo ti MESAC.

  3. Maysa kadagiti lallaki a nagtakder iti kannigid ni Esdras, idi a ti managkopia ket nagbasa manipud iti libro ti Linteg maipaay kadagiti naguummong a Judio idiay Jerusalem idi nakasublidan manipud pannakaidestiero idiay Babilonia.​—Ne 8:3, 4.