[Il-ili].

 Maysa a lugar a nadakamat iti dua a padto maibusor iti Moab. (Jer 48:24; Am 2:2) Ti kaipapanan ti naganna mabalin nga ipasimudaagna a ti siudad saklawenna ti sumagmamano a babbabassit nga ili. Saan a masinunuo ti eksakto nga ayan ti Keriot. Ti sumagmamano nga eskolar isingasingda ti Saliya, maysa a disso nga agarup 16 km (10 mi) iti daya nga abagatan-a-daya ti Dibon ken iti amianan ti Arnon. Patien ti dadduma a ti Keriot nalabit isu met laeng ti Ar, iti abagatan ti Arnon. Mabalin nga agpayso daytoy a panangmatmat yantangay ti Ar ken Keriot, nupay naidatag kas kangrunaan a siudsiudad (idiligyo ti Am 2:1-3; De 2:9, 18), saanda nga agkadua nga agparang kadagiti listaan ti il-ili dagiti Moabita.​—Idiligyo ti Isa 15 ken 16; Jer 48.

 Ti Bato a Moabita, nupay saan a mangipaay iti pamalatpatan iti ayan ti Keriot, ipasimudaagna nga adda santuario sadiay ti dios a ni Kemos.