Jeremias 48:1-47
-
Padto maibusor iti Moab (1-47)
48 Para iti Moab,+ daytoy ti imbaga ni Jehova a panguluen dagiti armada, ti Dios ti Israel:
“Kaasi pay ti Nebo,+ ta nadadaelen!
Naibabain ken nasakupen ti Kiriataim.+
Naibabain ken nadadaelen ti natalged a pagkamangan.+
2 Saandan nga idaydayaw ti Moab.
Implanoda idiay Hesbon+ ti pannakadadaelna:
‘Umaykayo, pagpatinggaentayo isuna a kas nasion.’
Uray sika, O Madmen, masapul nga agulimekka,Ta kamkamatennaka ti espada.
3 Mangngeg idiay Horonaim+Ti ikkis ti pannakadadael ken nakaro a pannakarba.
4 Nadadaelen ti Moab.
Agsasangit dagiti ubbingna.
5 Agsangsangitda a sumangsang-at idiay Luhit.
Bayat a sumalsalogda manipud Horonaim, mangmangngegda dagiti sangit gapu iti didigra.+
6 Agtalawkayo; isalakanyo ti biagyo!*
Agbalinkayo a kas iti kayo a parwa iti let-ang.
7 Gapu ta nagtalekka kadagiti aramidmo ken sanikuam,Matiliwkanto met.
Ken maipanawto ni Kemos,+Agraman dagiti papadi ken prinsipena.
8 Sumrekto ti mangdadael iti tunggal siudad,Ket awanto ti siudad a makalisi.+
Madadaelto ti tanap*Ken ti kapatagan,* kas iti imbaga ni Jehova.
9 Mangikabilkayo iti marka para iti Moab,Ta bayat a marmarba, agtalawto dagiti umilina,Agbalinto a nakabutbuteng dagiti siudadna,Ket awanton ti agnaed kadagita.+
10 Mailunod daydiay saan a mangitungpal iti mision ni Jehova!
Mailunod ti saan a mangusar iti espadana iti panangpapatay!
11 Kanayon a natalna ti kasasaad dagiti Moabita manipud kinaagtutuboda,Kaslada iti arak a nagarinsaed a di nakutkuti.
Saanda a nayakar-akar iti nadumaduma a pagkargaan,Ken saanda pay a naipampanaw.
Isu a saan a nagbalbaliw ti ramanda,Ken uray ti kinasangerda.
12 “‘Isu a kitaenyo! um-umayen dagiti aldaw,’ kuna ni Jehova, ‘inton mangibaonak kadagiti mangipakbo kadakuada. Ibukbokdanto ida agingga a maibus ti linaonda, ket burakendanto dagiti dadakkel a burnay a nagyananda.
13 Ibainto dagiti Moabita ni Kemos, kas iti panangibain ti sangakabbalayan ti Israel iti Bethel a pagtaltalkanda idi.+
14 Nagturedkayo la ketdin a mangibaga: “Nabibilegkami a soldado a nakasagana a makigubat”?’+
15 ‘Nadadaelen ti Moab,Nasakupen dagiti siudadna,+Napapatayen dagiti kalaingan nga agtutuboda a lallaki,’+
Kuna ti Ari a ti naganna ket Jehova a panguluen dagiti armada.+
16 Asidegen ti pannakadidigra dagiti Moabita,Dandanin ti pannakadadaelda.+
17 Masapul a makisimpatia kadakuada ti amin nga adda iti aglawlawda,Amin a makaammo iti naganda.
Ibagayo, ‘Natukkolen ti nalagda a baston, ti napintas a sarukod!’
18 Bumabaka iti nadayag a saadmo,Ken agtugawka a mawaw,* O babai nga agnanaed iti Dibon,+Ta umay kenka ti mangdadael iti Moab,Ket rebbaenna dagiti napaderan a siudadmo.+
19 Sika nga agnanaed iti Aroer,+ agtakderka iti igid ti dalan ken agsiputka.
Isaludsodmo iti lalaki nga agtaltalaw ken iti babai nga agliblibas, ‘Ania ti napasamak?’
20 Naibabain ken nadadaelen ti Moab.
Dung-awan ken sangitanyo.
Ipakaammoyo idiay Arnon+ a nadadaelen ti Moab.
21 “Dimtengen ti pannakaukom ti kapatagan,*+ maibusor iti Holon, Jahaz,+ ken Mefaat;+
22 maibusor iti Dibon,+ Nebo,+ ken Bet-diblataim;
23 maibusor iti Kiriataim,+ Bet-gamul, ken Bet-meon;+
24 maibusor iti Keriot+ ken Bozra; ken maibusor iti amin nga adayo ken asideg a siudad iti Moab.
25 ‘Napukawen ti pigsa* ti Moab;Natukkolen ti takiagna,’ kuna ni Jehova.
26 ‘Bartekenyo,+ ta intan-okna ti bagina maibusor ken Jehova.+
Agtulidtulid ti Moab iti saruana,Ken agbalin a mauy-uyaw.
27 Saan aya nga inuy-uyawmo idi ti Israel?+
Nasarakam kadi a kadua dagiti mannanakaw,Tapno agwingiwingka ken agsaoka maikontra kenkuana?
28 Dakayo nga agnanaed iti Moab, panawanyon dagiti siudad ket agyankayo iti dakkel a bato,Agbalinkayo a kas kadagiti kalapati nga agum-umok iti derraas.’”
29 “Nadamagmi ti maipapan iti kinapannakkel ti Moab—nakapangpangas—Maipapan ti kinapangato, kinapannakkel, kinapangas, ken kinatangsit ti pusona.”+
30 “‘Ammok a managpungpungtot,’ kuna ni Jehova,‘Ngem awanto ti serserbi ti kinalastogna.
Awanto ti maaramidda.
31 Isu a dung-awakto ti Moab,Sangitakto ti intero a MoabKen aganug-ogakto gapu kadagiti tattao ti Kir-heres.+
32 Nakarkaronto ngem iti panangsangitko iti Jazer,+Sangitankanto, O puon ti ubas ti Sibma.+
Bimmallasiw iti baybay dagiti rumangrangpaya a saringitmo.
Nakadanonda iti baybay agingga iti Jazer.
Pinerdin ti mangdadael+Dagiti binurasmo nga ubas ken prutas ti kalgaw.
33 Awanen ti panagrag-o ken panagragsak iti kaubasanKen iti daga ti Moab.+
Pinasardengko ti panagayus ti arak iti pagpespesan iti ubas.
Awanton dagiti maragragsakan a mangpespes iti ubas.
Sabalinton dagiti mangngeg a panagpupukkaw.’”+
34 “‘Adda ikkis idiay Hesbon+ a mangngeg idiay Eleale.+
Mangngeg idiay Jahaz+ ti napigsa a timekda,Manipud Zoar agingga idiay Horonaim,+ agingga idiay Eglat-selisiya.
Agmaganto uray ti danum ti Nimrim.+
35 Pukawekto idiay Moab,’ kuna ni Jehova,‘Daydiay agidatdaton iti nangato a dissoKen daydiay agdatdaton iti diosna.
36 Isu a kasla plauta* nga agladingit* ti pusok para iti Moab,+Ken kas iti plauta* nga agladingit* ti pusok para kadagiti tattao ti Kir-heres.
Ta mapukawto ti inurnongna a kinabaknangna.
37 Ta kalbo ti tunggal ulo,+Ken naputdan ti tunggal barbas.
Nasugatsugat ti amin nga ima,+Ken nagbidangda iti nakersang a lupot!’”+
38 “‘Iti amin nga atep ti MoabKen iti amin a plasana,Awan sabali a mangngeg no saan a dung-aw.
Ta binurakko ti MoabA kas iti naibasuran a burnay,’ kuna ni Jehova.
39 ‘Anian a butengna! Agdung-awkayo!
Timmallikud ti Moab gapu iti bainna!
Ti Moab ket mauy-uyawen,Banag a nakabutbuteng iti amin nga adda iti aglawlawna.’”
40 “Ta daytoy ti imbaga ni Jehova:
‘Kitaem! Kas iti agila nga agsippayot,+Iyukradnanto dagiti payakna iti Moab.+
41 Masakupto dagiti ili,Ken uray dagiti napaderan a siudadna.
Iti dayta nga aldaw, ti puso dagiti soldado ti MoabKet kaslanto iti puso ti babai nga agan-anak.’”
42 “‘Madadaelto ti intero a nasion ti Moab,+Ta intan-okna ti bagina maikontra ken Jehova.+
43 Adda iti sanguanam ti buteng, abut, ken silo,O agnanaed iti Moab,’ kuna ni Jehova.
44 ‘Matnagto iti abut ti asinoman nga aglibas gapu iti pagbutbutngan,Ket masiluan ti asinoman a makaruar iti abut.’
‘Ta iyegko iti Moab ti tawen ti pannakadusada,’ kuna ni Jehova.
45 ‘Iti anniniwan ti Hesbon, awanto ti gaway dagidiay agliblibas.
Ta addanto apuy a rummuar iti HesbonKen gil-ayab iti tengnga ti Sihon.+
Puorannanto ti muging ti MoabKen ti bangabanga ti annak ti riribuk.’+
46 ‘Kaasika, O Moab!
Natayen dagiti tattao ni Kemos.+
Ta naipanawen dagiti annakmo a lallaki,Ken dagiti annakmo a babbai.+
47 Ngem iti maudi a paset dagiti aldaw, urnongekto dagiti naipanaw iti Moab,’ kuna ni Jehova.
‘Ditoy ti pagpatinggaan ti pannakaukom ti Moab.’”+
Footnotes
^ Wenno “dagiti kararuayo.”
^ Wenno “kapatagan.”
^ Wenno “patag a tuktok ti bantay.”
^ Wenno mabalin nga, “iti natikag a daga.”
^ Wenno “patag a tuktok ti bantay.”
^ Lit., “sara.”
^ Wenno “a naariwawanto.”
^ Kayatna a sawen, plauta a pagtokar no adda natay.
^ Wenno “a naariwawanto.”
^ Kayatna a sawen, plauta a pagtokar no adda natay.
